Veiðimaðurinn - 01.04.2005, Blaðsíða 60

Stjóm Stangaveiðifélags Reykjavíkur að loknurn aðalfundi 2004. Fremri röð frá vinstri Þorsteinn Ólafs ritari, Bjami Júlíusson formaður, Gylfi Gautur
Pétursson varaformaður. Aftari röð frá vinstri Eiríkur St. Eiríksson meðstjómandi, Loftur Atli Eiríksson meðstjómandi, Guðmundur Stefán Maríasson
meðstjómandi og Marinó Marinósson gjaldkeri. Ljósmynd Siggi Jóns.
Fjölmennasti
aðalfundur í sögu félagsins
Aðalfundur SVFR í nóvember sl. var sá fjölmennasti í sögu
félagsins þegar 422 félagsmenn mættu. Mest höfðu áður
mætt á milli 270 og 280 manns á aðalfund.
Bjarni Júlíusson var kjörinn formaður stjórnar SVFR á
aðalfundinum. Bjarni fékk 271 atkvæði í formannskjörinu
(64,2%) en mótframbjóðandi hans, Ari Þórðarson, fékk
144 atkvæði (34,1%). Auðir seðlar voru 3. Alls tóku 422
félagsmenn þátt í kosningu formanns.
í kosningu um þrjú laus sæti í stjórn SVFR til næstu
tveggja ára var kosið á milli fimm frambjóðenda. Atkvæði
féllu þannig að Þorsteinn Ólafs fékk 294 atkvæði, Gylfi
Gautur Pétursson fékk 272 atkvæði, Marinó Marinósson fékk
238 atkvæði, Kristín Helga Gunnarsdóttir fékk 178 atkvæði
og Valtýr Guðmundsson fékk 125 atkvæði. Alls tóku 369
félagsmenn þátt í kosningu til stjórnar.
Fyrir voru í stjórn SVFR þeir Eiríkur St. Eiríksson,
Guðmundur Stefán Maríasson og Loftur Atli Eiríksson en
þeir voru kosnir til 2 ára á aðalfundi árið áður.
í umræðum eftir kosningar á aðalfundinum bar það helst
til tíðinda að Einar H. Guðmundsson, félagi nr. 298, lagði
fram tillögu um breytingar á verðskrá SVFR fyrir árið 2005.
Annars vegar um að afnumdar verði þær 2.000 króna
aukagreiðslur sem getið er um í verðskrá SVFR og lagðar eru
á félagsmenn sem veiða um helgar í Stóru-Laxá og Soginu og
hins vegar um að aflagt sé 1.000 kr. aukagjald fyrir hádegi
í Elliðaánum. Tillaga Einars var samþykkt með naumum
meirihluta atkvæða eftir að þorri fundargesta hafði yfirgefið
salinn eða með 23 atkvæðum gegn 19.
Þeir Jón G. Baldvinsson og Ólafur H. Ólafsson lögðu
einnig fram tillögu um að aðalfundur SVFR samþykki að
óska eftir því við stjórn SVFR að loka umræðum á spjallvef
félagsins nema fyrir þá sem koma fram undir nafni. Loftur
Atli Eiríksson lagði fram breytingartillögu við tillögu Jóns
og Ólafs um að tillögu þeirra félaga um lokun á spjalli
verði vísað til stjórnar. Breytingartillaga Lofts Atla var
samþykkt og þar af leiðandi voru ekki greidd atkvæði um
fyrri tillöguna.
60 Fréttapunktar SVFR - samantekt Þorsteinn Ólafs