Landsfundur Sjálfstæðisflokksins - 01.12.1967, Qupperneq 35

Þjóðarauður hefur á viðreisnartímabilinu í raunverulegum verðmæt-
um aukizt um 40—50% og verðmætisaukning í alls konar atvinnutækj-
um hefur verið yfir 50%.
I stað gjaldeyrisskulda erlendis í upphafi þessa tímabils var um síð-
ustu áramót fyrir hendi gjaldeyrisvarasjóður að upphæð rúmar 1.900
millj. kr. Nettóskuldir erlendis námu þá 2.970 millj. kr. og höfðu á tíma-
bilinu aðeins hækkað um 300 millj. króna, enda þótt eignamyndun í land-
inu næmi 13.000 millj. króna.
Þjóðartekjur hafa aukizt um þriðjung á hvern þjóðfélagsborgara og
leitt til stórbatnandi afkomu almennings í landinu, því að launastéttirnar
hafa fengið aukinn hlut í vaxandi þjóðartekjum.
Þótt hagstætt verðlag og aflabrögð hafi átt sinn góða þátt í þessari
þróun, þá hefði hún ekki orðið nema vegna skynsamlegrar stjórnarstefnu.
Án nýrra veiðitækja hefði aflinn ekki fengizt, og aukið athafnafrelsi hef-
ur ráðið úrslitum um öflun þeirra og hagnýtingu verðmætanna, er sköp-
uð hafa verið. Önnur veigamikil forsenda framleiðsluaukningarinnar hef-
ur verið það lánstraust erlendis, sem gjaldeyrisvarasjóðurinn, heilbrigð
stefna í fjármálum og peningamálum ásamt auknu viðskiptafrelsi hafa
endurvakið.
Með ákvörðunum um stórvirkjun og stóriðju hefur mikilvægt spor
verið stigið til að tryggja atvinnuöryggi þjóðarinnar, stærri átök hafa
verið gerð en áður til þess að afla atvinnuvegunum stofnfjár og auka
framleiðni þeirra og bæta þannig lífskjörin, enda hefur með framkvæmda-
og fjáröflunaráætlunum verið leitazt við að beina ráðstöfunarfé lána-
stofnana að mikilvægustu verkefnum.
Stór framfaraspor hafa verið stigin í skatta- og tollamálum og marg-
vísleg umbótalöggjöf verið sett um atvinnumál, menningarmál, heilbrigð-
ismál, félagsmál og samgöngumál. Hafnar hafa verið fyrstu kerfisbundnu
aðgerðirnar til þess að stuðla að jafnvægi í byggð landsins og í því skyni
sett m. a. löggjöf um atvinnujöfnunarsjóð.
Ekki hefur tekizt að koma í veg fyrir verðbólgu, enda hefur mikill
munur á afkomu hinna ýmsu greina framleiðslunnar síðustu árin aukið
þann vanda og stjórnarflokkarnir ekki viljað ganga svo langt í barátt-
unni gegn verðbólgu, að atvinnuleysi kynni að leiða af. Tekizt hefur að
skapa samstarfshug milli forustumanna launþega og vinnuveitenda og
ríkisvalds og hefur þetta stuðlað að happasælli úrlausn kaupgjalds- og
verðlagsmála og leitt til betri og stöðugri vinnufriðar en áður. Af hálfu
33