Landsfundur Sjálfstæðisflokksins - 01.12.1967, Qupperneq 53

skilningur á því, hversu veígamikil þessi mál
eru og mikils virði fyrir þjóðfélagsþegnana og
þjóðfélagsþróun í heild.
Ég get að vísu farið færri orðum en ella um
þessi mál nú vegna þess að ég hefi fyrir
skemmstu gert þeim all ítarlega skil, bæði
á Alþingi og á almennum stúdentafundi um
þessi mál, sem haldinn var hér í Reykjavík,
en dagblöðin hafa skýrt ítarlega frá þeim
umræðum. Þó er mér þess sérstaklega minni
þörf en alla vegna þess að Sjálfstæðiskonur
tóku þessi mál upp á sína arma og einbeittu
huga sínum að þeim á þingi Landssambands
Sjálfstæðiskvenna, sem haldið var í þessari
viku daginn fyrir Landsfund. Var það mér
mikið gleðiefni að mæta á þessu Landsþingi
Sjálfstæðiskvenna og gera þar grein fyrir
þessum málum, en konurnar hafa gert um þau
sérstaka ályktun, sem þær munu gera Lands-
fundinum grein fyrir.
Veigamikil löggjöf.
Veigamestu löggjafaratriðin á sviði heil-
brigðismála síðari árin eru hin nýju sjúkra-
húslög frá 1964 og ný læknaskipunarlög frá
1965. Gerði ég Landsfundinum síðast grein
fyrir hinum n.'ju sjúkrahúslögum, sem hafa
í sér fólgnar verulegar endurbætur á sviði
þeirra mála og hefur reynslan staðfest það
ótvírætt í framkvæmd síðustu árin. Það er
tryggilegar en áður gengið frá samskiptum
ríkisvalds og sveitarfélaga varðandi bygg-
ingarstyrki og rekstrarstyrki sjúkrahúsanna.
Allt hefir það orðið sveitarfélögunum hag-
ræði. Sérstaklega minni ég á, að þá var
ákveðið að byggingarstyrkir til sjúkrahúsa
allra sveitarfélaga skyldu vera 60% kostnað-
ar, en um þetta ríkti áður verulegt misræmi
og kom það sérstaklega niður á hinum stærri
sjúkrahúsum, en Borgarsjúkrahúsið í Reykja-
vík naut ekki áður, fyrir setningu þessara
laga, nema 40% styrks úr ríkissjóði, en síðan
60%. Ennfremur voru þá tekin í lög þau
ákvæði, að greiða skyldi byggingarstyrk ríkis-
ins á 8 árum til hinna stærri sjúkrahúsa, frá
því að fjárveiting fyrst er ákveðin af Alþingi,
en á 5 árum til hinna minni og í sambandi
við byggingu læknisbústaða. Um þetta voru
engin ákvæði fyrr, og felst í þessu verulega
betri skipan mála.
Það hafa verið og standa yfir mjög um-
fangsmiklar byggingar sjúkrahúsa í landinu.
Umfangsmestar hafa þessar framkvæmdir
verið við stækkun Landspítalans og byggingu
Borgarsjúkrahússins í Fossvogi.
Komið að þáttaskilum.
í sambandi við byggingu Landspítalans er
komið að veigamiklum þáttaskilum. Ég hefi
lagt áherzlu á það að undanförnu að sem allra
fyrst væri hægt að ganga endanlega frá skipu-
lagi Landspítalalóðarinnar og í sambandi við
það áætlunargerð, sem verða mundi að sjálf—
sögðu til langs tíma um það, hvaða heilbrigðis-
stofnunum eða byggingum væri hægt að koma
fyrir á Landspítalalóðinni, eins og hún er eða
ef til vill með stækkun hennar, í hvaða tíma-
röð væri rétt að byggingarframkvæmdir yrðu
og hvað líklegt væri að kostnaður allra þess-
ara framkvæmda mundu verða og hvað þyrfti
þá að áætla heildarfjáröflun til þeirra árlega
á fjárlögum og ef til vill að viðbættum lán-
tökum. Sérfræðingar heilbrigðisstjórnarinnar,
sem um þessi mál fjalla, húsameistari ríkisins
og hans aðstoðarmenn, hafa nú undanfarið
eftir að málin voru vel undirbúin hér heima
setið á rökstólum með erlendum sérfræðingum
í Danmörku til þess að vinna að skipulagi og
áætlunargerð í sambandi við hagnýtingu
Landspítalalóðarinnar. Mjög mikið kapp hef-
ir verið lagt á það að þetta mikilvæga mál
komist sem fyrst í höfn og geri ég mér vonir
um, að þess verði ekki langt að bíða úr þessu.
Þá væri fengin mikilsverð langstíma áætlun-
argerð um mjög umfangsmikinn þátt heil-
brigðismálaframkvæmda á næstu 10 til 20
árum.
Að öðru leyti vil ég segja um viðbyggingu
og stækkun Landspítalans, að gert er nú ráð
fyrir að ljúka því sem nú er unnið að á árun-
um 1967 til ’69. Auk nýrra sjúkrarúma hafa
þá bætzt við í nýbyggingunni nýjar deildir,
svo sem taugasjúkdómadeild, deild í eftirmeð-
ferð, barnaspítali, eldri deildir stækkað og
batnað að búnaði og tækjum, fæðingadeild
verulega endurbætt, mötuneyti og eldhús og
fleira byggt miðað við vaxandi og nýjar þarf-
ir. Aðeins eldhús og mötuneyti, sem áætla
þarf fyrir um 1400 manns, yrði nærri 3500
fermetrar að gólffleti og er áætlað að kosti
um 40 millj. kr., án tækja og lausra muna. Á
fjórum síðustu árum, (1964 til ’67), hefir ver-
ið varið og eru áætlaðar í fjárlögum með láns-
fé til bygginga og endurbóta ríkisspítalanna,
51