Landsfundur Sjálfstæðisflokksins - 01.12.1967, Qupperneq 60

manna, en ráðuneytisstjórinn í dómsmála-
ráðuneytinu er formaður nefndarinnar. Gert
er ráð fyrir því að þessi nefnd hafi samband
við og fylgist með störfum nefndar, sem fé-
lagsmálaráðherra skipaði til að endurskoða
skipan sveitarstjórnarumdæma.
Ríkisfangelsi.
Á undanförnum árum hefir verið unnið að
undirbúningi byggingar ríkisfangelsis. Eftir
setningu laga um ríkisfangelsi árið 1961 var
húsameistara ríkisins falið að gera athuganir
á staðarvali fyrir ríkisfangelsi, en eftir að
ítarlegar athuganir höfðu leitt í ljós líkleg-
ustu úrræði í því efni, var í febrúar 1965
skipuð nefnd til undirbúnings framkvæmdun-
um. Nefndina skipa: Valdimar Stefánsson,
saksóknari ríkisins, sem er formaður, Baldur
Möller, ráðuneytisstjóri og Þórður Björnsson,
yfirsakadómari. Starfar nefndin í nánu sam-
ráði við embætti húsameistara ríkisins. 1 maí
1965 gerði nefndin tillögur um staðsetningu
fangelsins og féllst ráðuneytið á tillögur henn-
ar um staðarval í landi tJlfarsár í Mosfells-
sveit. Var síðan í febrúar 1966 samkvæmt til-
lögum nefndarinnar ákveðið að gæzluvarð-
haldsdeild fangelsins yrði staðsett við Síðu-
múla í Reykjavík og í septembermánuði sama
ár var fengið samþykki borgaryfirvalda fyrir
þeirri staðsetningu og tillöguteikningum. —
Lagði ráðuneytið síðan áherzlu á að teikni-
vinnu yrði hraðað eftir föngum og er þeirri
vinnu nú langt komið, og jafnframt hefir
farið fram nánari könnun lands að Úlfarsá.
Er þess vænzt að tæknilegum undirbúningi
Ijúki á þessu ári.
Samtímis setningu laga um ríkisfangelsi
voru einnig sett n / lög um héraðsfangelsi
1961 og hafa þau orðið til mjög aukinna fram-
kvæmda á þessu sviði á síðastliðnum árum,
svo að til mikilla úrbóta hefur orðið víða um
landið í löggæzluframkvæmd. Á mörgum stöð-
um eru framkvæmdir við slík mannvirki vel á
veg komnar eða í þann veg að hefjast. Svo að
taldir séu nokkrir staðir, sem hér koma við
sögu, má nefna Ólafsvík, Patreksfjörð, Akur-
eyri, Ólafsfjörð, Dalvík, Húsavík, Raufarhöfn,
Vopnafjörð, Höfn í Hornafirði og Vestmanna-
eyjar.
Á flestum þessum stöðum hefur lögregla
jafnframt fengið starfsaðstöðu, ýmist varð-
stofur eða aðrar vistarverur og allt upp í það,
58
að byggð er beinlínis lögreglustöð eins og á
Akureyri, en sú framkvæmd er nú mjög langt
komin.
Lögreglustöð í Reykjavík.
Árið 1962 var hafin bygging nýrrar lög-
reglustöðvar í Reykjavík. Er það mjög stór
framkvæmd. Byggingin er öll um 23 þús. rúm-
metrar. Hefir til sl. áramóta verið varið til
framkvæmda réttum 36 millj. krónum og hafa
vonir staðið til að framkvæmdunum yrði lok-
ið árið 1968. Vegna brýnnar þarfar umferða-
deildar lögreglunnar hefur hluti byggingar-
innar verið tekinn til bráðabirgðaafnota fyrir
þá deild, sem þar með komst úr lélegu hús-
næði við Snorrabraut, er fengið var eftir stríð
frá hernum. Er hið nýja húsnæði í vestur-
álmu hinnar nýju byggingar.
UMFERÐARMÁL.
Rannsókn umferðarslysa.
1 nóvember 1963 var skipuð nefnd, (Rann-
sóknarnefnd umferðarslysa), er falið var það
verkefni að rannsaka orsakir hins sívaxandi
f jölda umferðarslysa og gera tillögur um ráð-
stafanir til úrbóta.
Nefndin skilaði bráðabirgðaáliti í nóv. 1965.
Hafa margar tillögur nefndarinnar þegar náð
fram að ganga, sumar með breytingum á um-
ferðarlögum á síðasta ári, en aðrar með breyt-
ingu á reglugerð. Helztu tillögur nefndarinn-
ar, sem til framkvæmda hafa komið eru
þessar:
1. ) Hert hefur verið á kröfu um reglusemi
í sambandi við veitingu ökuréttinda, bæði al-
menns og meira prófs.
2. ) Okuskírteini byrjenda eru aðeins gefin
út sem bráðabirgðaskírteini til eins árs. Áður
en fullnaðarskírteini er gefið út skal fara
fram sérstök könnun á ökumannsferli hlutað-
eiganda, og getur hann orðið að gangast und-
ir próf í umferðarreglum eða akstri að nýju
eða sæta rannsókn sérfræðings um líkamlega
og andlega heilbrigði.
3. ) Aukin hefur verið beiting bráðabirgða-
sviptingar ökuréttinda af hálfu lögreglu-
stjóra.
4. ) Dómarar hafa fengið heimild til að
svipta sökunaut ökuleyfi með réttarsátt.
5. ) Lögreglustjórar hafa fengið heimild til
að afgreiða kæru vegna brota á umferðarlög-
um með sektargerð.