Landsfundur Sjálfstæðisflokksins - 01.12.1967, Page 73

kvæmdaáætlun í landbúnaði 1960 fyrir tíma-
bilið 1961—1970 var mörkuð æskileg fram-
kvæmdastefna fyrir þessi ár. Talið var, að
áætlunin væri gerð af það mikilli bjartsýni,
að hún væri langt frá því að vera raunhæf.
Það kemur hins vegar í ljós, að hálfnuðu þessu
tímabili, að framkvæmdirnar eru miklu meiri
heldur en áætlað var og gefur það til kynna
dugnað og framkvæmdagetu bændanna. Fram-
sóknarmenn sögðu í byrjun þessa stjórnar-
tímabils, að landbúnaðarframleiðslan mundi
dragast saman vegna þess að illa væri að
bændunum búið. Væri þá rétt að álykta, að
sæmilega hafi verið að landbúnaðinum búið
seinni árin úr því að framkvæmdagetan og
framleiðsluaukningin hefur farið langt fram
úr því, sem bjartsýnustu menn þorðu að vona.
Búnaðarfélag íslands er gömul og virðuleg
stofnun. Hlutverk þess er margþætt, það á að
vera leiðbeinandi og ráðgefandi. Það á að beita
sér fyrir hvers konar rannsóknum og öðru því
sem má verða landbúnaðinum til gagns.
Á stjórnartíma Framsóknarmanna var Bún-
aðarfélagið í svelti og gat ekki unnið sam-
kvæmt þeim reglum, sem það vildi gera. Árið
1958 var starfsfé Búnaðarfélagsins 2,6 millj.
kr. í núgildandi fjárlögum eru veittar til fé-
lagsins 13,6 millj. króna. Hefur starfsemi
Búnaðarfélagsins aukizt mjög og er þess
vænzt, að það geti nú unnið eftir þeim regl-
um, sem stjórn þess setur.
Búnaðarsamböndin hafa ráðunauta og marg-
þætta félagsstarfsemi með höndum. Þau voru
einnig í svelti á valdatíma Framsóknar og
fengu aðeins 520 þús. kr. til starfsemi sinnar
síðasta valdaár Framsóknarmanna. Á árinu
1967 munu búnaðarsamböndin hafa til ráðstöf-
unar um 4 millj. króna. Þess má geta, að ýms-
um þykir það ekki nægilegt, þótt allir viður-
kenni að mikil breyting hafi orðið til batnaðar.
Rannsóknarstofnun landbúnaðarins starfar
samkvæmt lögum, sem sett voru 1965. En henni
var ætlað mikilvægt hlutverk í tilraunum og
rannsóknum. Það skal viðurkennt að sú stofn-
un hefur ekki enn fengið það fjármagn, sem
æskilegt er til þess að hún geti leyst af hendi
það, sem henni er ætlað. En stofnunin er ung
og má segja að hún sé enn í mótun og eigi
framtíð fyrir sér.
Framleiðnisjóður og Jarðeignasjóður.
Á s.l. vetri voru samþykkt lög um Fram-
leiðnísjóð Íandbúnaðarins, sem hafa í sér ný-
mæli. Sjóðnum er ætlað það hlutverk að auka
framleiðni og samkeppnisaðstöðu landbúnaðar-
ins. Standa vonir til, að þessi löggjöf megi
verða þjóðinni allri til heilla. Jarðeignasjóður
landbúnaðarins var stofnaður með lögum rétt
fyrir þinglokin. Hlutverk Jarðeignasjóðs er að
kaupa upp jarðir, sem illa eru í sveit settar
og ekki hafa góð skilyrði til búrekstrar. Það
er vitanlegt að ýmsar jarðir eru þannig að ekki
er mögulegt fyrir ábúandann að búa sér sæmi-
leg lífskjör við þá aðstöðu, sem jörðin getur
veitt. Slíkar jarðir eiga að fara í eyði og leggj-
ast undir önnur býli. Lög um landgræðslu og
gróðurvernd eru svo ný af nálinni. Með þeim
lögum er ekki síður lögð áherzla á gróðurvernd
til uppgræðslu. Fjármagn til landgræðslunnar
hefur verið margfaldað og standa vonir til að
árangurinn verði í samræmi við það. Það er
nauðsynlegt að hefta uppblástur og vernda
gróður landsins. Um það eru allir sammála
þótt fjármagn til þessara mála hafi ávallt ver-
ið lítið fram á seinni ár. Skógræktin hefur
einnig fengið aukin f járráð og er stöðugt unn-
ið að skógræktarmálum undir stjórn skóg-
ræktarstjóra. Lög um skjólbelti voru afgreidd
á síðasta þingi, og gera ýmsir sér vonir um, að
gott muni leiða af þeirri lagasetningu.
Mikilvæg framtíðaratvinnugrein.
Mikið er nú talað um fiskirækt og þá sér-
staklega lax og sjóbirting. Veiðimálastofnun
og veiðimálastjóri hafa verið starfandi hér á
landi í meir en 20 ár og áreiðanlega hefur
margt gott af því leitt. En fjárskortur hefur
hamlað æskilegri starfsemi og má geta þess,
að 1958 veittu Framsóknarmenn aðeins 300 þús.
kr. til veiðimála úr ríkissjóði. Á núverandi
fjárlögum eru 2,6 millj. króna ætlaðar til þess-
arar starfsemi. En auk þess er rífleg fjárveit-
ing til fiskeldisstöðvarinnar í Kollafirði. í
byggingu þeirrar stöðvar var ráðizt 1963, og
hefur kostnaður við hana orðið um 20 millj.
króna. Eru miklar vonir tengdar við fiski-
ræktarstöðina. Hún er rekin sem tilraunastöð
og leiðbeiningastöð fyrir allt landið. Til-
koma stöðvarinnar í Kollafirði hefur vakið
almennan áhuga um fiskirækt. Islenzkar ár
og stöðuvötn eru vel fallin til fiskiræktar.
Lax- og silungseldi verður mikilvægur fram-
tíðaratvinnuvegur í landinu.
71