Arkitektúr og skipulag - 01.03.1990, Síða 43

Suðurbcejarlaug
í Hafnarfirði
umarið 1982 ákvað bæjarstjóm Hafnarfjarðar að
byggja sundlaug í Hvömmum, nýbyggðu hverfi,
sunnarlega í bænum.
Skipuð var byggingamefnd til að sjá um verkið og
arkitekt ráðinn til að teikna. Aðalteikningum var
lokið snemma árs 1983. f Hafnarfirði var þá einn
opinber baðstaður vestast í byggðinni, Sundhöll
Hafnarfjarðar, með 25 x 8,4 metra innilaug og lítilli
útiaðstöðu. Sundhöllin, teiknuðárið 1942afBárðiísleifssyni
arkitekt hjá Húsameistaraembættinu hefur gagnast
Hafnfirðingum vel og gerir enn, en hún annaði ekki lengur
þjónustu við almenning og var ofsetin til sundkennslu.
Þama voru strax gefnar meginforsendur þess hvað nýr
baðstaður til viðbótar við þann sem fyrir er þyrfti að bjóða.
Lögð var áhersla á að sundlaug í suðurbæ skyldi verða
útivistarstaður með fjölbreyttum vatnsböðum og viðeigandi
sólbaðsaðstöðu. Þar skyldi einnig vera auðvelt að kenna sund.
Mikil rækt var lögð við mótun umhverfisins og var Þráinn
Hauksson landslagsarkitekt ráðinn til að annast það verk.
í Suðurbæjarlaug er keppnislaug, kennslulaug,
bamalaug, buslpollur, þrír heitir pottar og gufuböð.
Stærsta laugin er úti, 25 metra löng og 12,5 metra
breið. í lauginni eru markaðar sex brautir og uppfyllir hún
alþjóðlega staðla um keppnislaugar.
Innilaug er í álmu út frá búningsklefahúsi. Þessi laug
er grunn og er fyrst og fremst ætluð til kennslu, en einnig fyrir
ósynt fólk. Renna liggur milli innilaugar og útilauganna
þannig að hægt er að synda eða fara í vatni milli þeirra sem er
nýmæli hér á landi.
Á útisvæðunum eru grasflatir, runnar og lautir þar sem
stunda má sólböð. Áhorfendapallar við keppnislaug henta
einnig til sólbaða. Smágolf er í garðinum og um hann liggur
upphituð skokkbraut. Útibúningsklefar með sturtum eru í
tengslum við útibaðsvæði og garð. Á laugarbakkanum er
vatnsrennibraut og hjálmur með vatnsrennsli fram af brúnum,
svokallaður vatnssveppur stendur í sérstökum buslpolli.
Meginhugsun í heildarmynd Suðurbæjarlaugar er
beinn og jafnbreiður vegur frá aðalinngangi inn á laugasvæðin
í garðinum. Út frá veginum til beggja handa og í órofa
tengslum við hann eru öll leik- og starfsvæði húss og garðs.
Anddyrið er miðlægt rými í aðalbyggingu þar sem er
afgreiðsla, veitingasala, aðgangur að böðum, búningsher-
bergjum og gufuböðum. Rík áhersla var lögð á að ná sem
bestri sjónrænni opnun frá aðalanddyri inn á baðsvæðin.
Vegna legu aðalinngangs fyrir miðju verður aðkomuhlið
hússins samhverf og róleg. Samhverfan er hins vegar brotin
með valma á þakinu sunnan megin. Þannig er leitast við að
fella húsið að heildarmynd landslagsins en byggingin stendur
neðst í slakka sem rís upp frá svæðinu til norðausturs. Lögun
skjólþaka yfir útibúningsklefum brekkumegin í byggingunni
skýrist á sama hátt.
Meðfram útveggjum búningshúss báðum megin
liggja gangar, annars vegar út frá fremra anddyri, hins vegar
að innra anddyri. Milli ganganna er komið fyrir
búningsklefum, böðum og „saunum“ og geta þau með þessu
fyrirkomulagi öll haft aðgang bæði að fremra anddyri og
baðsvæðum úti. Gert er ráð fyrir að lengja megi húsið til
beggja enda án þess að umferðarkerfi þess raskist.
Til þess að yfirbragð hússins væri þægilegt og
aðlaðandi, var ákveðið að nota mikið timbur. Veggir eru úr
Attit t* suð-uesturs
sneiding b-b - búningshlefar, útiláug
r
41