AVS. Arkitektúr verktækni skipulag - 01.06.1994, Síða 43

LEIKVÖLLUR Á FJÖLBÝLISHÚSALÓÐ
Við vestanverðan Hlíðarhjalla í Kópavogi
eru fjögur fjölbýlishús sem trappast upp
Digraneshlíðina með stefnu suðvestur -
norðaustur. Hér verður fjallað um hús
númer 62-66, sem er næstefst. Húsið var byggt af
Byggung í Kópavogi og eru í því samtals 25 íbúðir í
þremur stigagöngum. Aðliggjandi byggð er að mestu
einbýlishús.
Mesti hæðarmunur í lóðinni er tæpir 11 metrar, en
þar af tekur bílskúrsbygging í suðaustur horni lóðar-
innar upp fjögurra metra hæðarmismun. Að öðru
leyti er hæðarmunur leystur með grjóthleðslu og
grasfláum.
Bak viö húsiö liggur stígur, sem m.a. er gönguleiö í skóla og
aðkoma aö geymslum.
Rennibrautin endar í sandkassanum þannig aö
lendingin veröur mjúk.
Gróður er notaður til að afmarka lóðina frá Hlíðar-
hjallanum og til þess að skipta henni upp í rými.
Lóðinni má skipta upp í þrjú afmörkuð svæði:
AÐKOMUSVÆÐI OG BÍLASTÆÐI
Bílastæði eru samtals 39, eða rúmlega 1.5 á íbúð,
þar af eru 20 framan við bílskúra. Aðkoma, bílastæði
og stígur (vegna vöru- og neyðaraðkomu) er hellulagt
en aðkoma að stæðum á bílskúrsþaki er malbikuð.
Með hellulögn á aðkomu og bílastæðum eru mörkuð
ákveðnari skil frá aðliggjandi götu.
LEIKSVÆÐI
Grunnhugmyndin er að staðsetja leiksvæðið í skjóli
og sólríkum stað í augsýn frá sem flestum íbúðum.
Hæðarmismunur er nýttur til að skapa skjól, aðskilnað
frá bílastæðum og fyrir vetrarleiki. Á leiksvæði er
búnaður sem höfðar til allra aldurshópa, sandkassi
fyrir þau yngstu, róla, vegasalt og rennibraut fyrir eldri
börn og körfuboltakarfa fyrir þau elstu. Þá er sleða-
brekka austan við leiksvæðið, sem nýtist flestum
aldurshópum. í þeim tilgangi að leiða þá fullorðnu
um svæðið þá liggur gönguleið að bílastæðum og
bílskúrum um leiksvæðið.
Baklóð norðan við húsið. Við norðurhlið hússins
eru inngangar að geymslum og því var lagður mjór
(0,8 m) hellulagður stígur umhverfis húsið, sem teng-
ist með tröppum upp á Hlíðarhjalla. Vegna mikils
hæðarmismunarfer þetta svæði að mestu í grasfláa,
en gróðurbelti er ætlað að skerma íbúðirnar frá Hlíðar-
hjalla.
Reynslan hefur orðið sú að þessi aðkoma að geymsl-
um er lítið notuð.
Áður en farið var í lóðarframkvæmdirnar voru íbúar
tvístígandi vegna kostnaðar en framkvæmdastjóri
Byggungar lagði áherslu á frágang lóðar samtímis
því að flutt var í húsið haustið 1989. Kosturinn við
þá tilhögun er að framkvæmdir verða markvissari og
íbúar geta mun fyrr notið umhverfisins, svo ekki sé
talað um að losna við hvimleiðan sandburð í íbúðirnar.
Þá sparast kostnaður við tilviljanakennda „grófjöfnun
lóðar” sem alltof oft er hin endanlega „hönnun” á
fjölbýlishúsalóðum hérlendis.
41
YNGVI ÞOR LOFTSSON LANDSLAGSARKITEKT