AVS. Arkitektúr verktækni skipulag - 01.12.1998, Side 40

Hellumynstrið á sjálfu torginu sækir fyrirmynd sína
til keltneskra kirkjukrossa og gólfa - eins og þau
tíðkuðust kringum árið þúsund þegar Leifur hepp-
ni sigldi vestur um haf - og hefur verið spunnið og
fléttað með náttúrusteini í einskonar dregil eða ás
sem nær frá kirkju að Skólavörðustíg. Út frá dregl-
inum myndar hellu- og steinalögnin krossa með
reglulegu millibili sem ná yfir alla sporöskjuna.
Líkneski Stirlings Calders af Leifi Eiríkssyni situr í
miðjum ásnum að kirkjunni og rís hátt, enda hefur
náttúrusteinninn verið mótaður líkt og stefni á skipi
undir stöplinum. Aflíðandi halli er frá gatnamótum
Njarðargötu og Skólavörðustígs heim að kirkju-
dyrum. Bætir það mjög sjónlínur til kirkjunnar, t.d.
neðst af Skólavörðustíg, sem er ein þekktasta
ásýnd hennar.
Til að leggja enn frekari áherslu á þungamiðju
sporöskjunnar og flæði umferðar að kirkjunni er
Frakkastígur tengdur inn á framsvæði kirkjunnar
með óbeinum hætti í formi lágs stoðveggjar úr
tilhöggnum grásteini, er fylgir stefnu götunnar og
sveigist í átt að sporöskjunni.
Ein mikilvægasta forsenda skipulagsins fólst í því
að reyna að endurheimta sjálft Skólavörðuholtið:
hreinsað var ofan af gömlu ísaldarklöppunum,
sem grafnar hafa verið undir þykku lagi af möl og
mold í tvær kynslóðir. í ákveðnum tilvikum ganga
klappirnar inn á sporöskjuna, þar sem svo háttar,
og eru nú ein af höfuðprýði þessa svæðis.
NÆSTU SKREF
Hér hefur í stuttu máli verið gerð grein fyrir nokkr-
um meginþáttum skipulags Skólavörðuholts og
þeim áföngum sem nú er lokið.
Næstu áfangar framkvæmda á Skólavörðuholti
munu felast í frágangi svæðanna beggja vegna
kirkjuskipsins. Þar mun m.a. mótaður lítill sóknar-
garður, sem tengjast mun safnaðarstarfi Hall-
grímskirkju. Þessum sóknargarði er ætlað að vera
kyrrlátt athvarf þar sem einna skjólbest er á
svæðinu; vettvangur fjölbreyttra athafna á góðu
dægri og þá ekki síst kirkjulegra. Garðurinn yrði
umlukinn gróðurveggjum og dregur dám af klaust-
urgörðum miðaldakirkna. Að auki verður gengið
frá skipulögðum bílastæðum fyrir svæðið í bland
við gróður og göngustíga. Loks verður hugað að
38