AVS. Arkitektúr verktækni skipulag - 01.03.2004, Blaðsíða 32

SKIPULAG / PLANNING
Skipulag vinnubúða
Kárahnjúka
Björn Kristleifsson arkitekt og
Sveinn Þórarinsson verkfræðingur
Deiliskipulagið er unnið að beiðni
Landsvirkjunar fyrir sveitarfélagið
Norður-Hérað. í útboðsgögnum
Landsvirkjunar vegna framkvæmda
við Kárahnjúkavirkjun var gert ráð fyrir
vinnubúðum á fjórum stöðum: Við
Teigsbjarg (fallpípa fyrir ofan stöðvar-
hús), við Axará (aðveitugöng),
við Glúmsstaðadal (aðveitugöng) og
við stíflustæðin hjá Kárahnjúkum,
vestan megin við Jöklu. Við stíflu-
stæðin eru aðalvinnubúðir vegna
framkvæmdanna. Þar var gert ráð
fyrir íbúðasvæði, stjórnstöð og verk-
stæðisaðstöðu aðal- og undirverk-
taka, einnig búðastæði eigenda (eftir-
litsaðila) ásamt opinberu þjónustu-
svæði og vinnubúðum fyrir Sauðár-
dalsstíflu. Vegna umfangs er þetta
vinnubúðasvæði deiliskipulagt að ósk
skipulagsyfirvalda, önnur vinnubúða-
svæði eru það ekki.
Deiliskipulagið nær til 800/2500
metra svæðis, eða 200 hektara. Það
er í 650 metra hæð yfir sjávarmáli,
nokkru ofar fyrirhugaðri lónshæð,
sem verður í 625 metrum, innan við
Fremri Kárahnjúk, vestan við
Jökulsá á Brú og um 2 km norðan
við ármót Sauðár og Jökulsár,
vestan undir Lambafellstöglum. Það
er á gróðursnauðum, grjótbornum
hálsinum á milli fyrirhugaðra Kára-
hnjúka- og Sauðárdalsstíflna. Núver-
andi vegslóð Brúardalaleiðar liggur
um svæðið. Ný vegslóð, sem tengist
núverandi vegslóð við austurenda á
fyrirhugaðri Sauðárdalsstíflu, verður
lögð vestan við vinnubúðasvæðið
til þess að leiða almenna umferð
ferðamanna framhjá svæðinu.
Vegtenging svæðisins er um upp-
byggða vegi, Fljótsdalsheiðar- og
Kárahnjúkaveg, og nýja brú á Jök-
ulsá. Fjarlægðin frá Egilsstöðum er
um 110 km. Einnig er möguleg
aðkoma uppúr Jökuldal um Brúar-
dalaleið. Ríkjandi vindáttir eru norð-
austur- og suð-vestlægar. Úrkomulít-
ið er á svæðinu og að öllum jafnaði
snjólétt. Að vetrarlagi getur þó gengið
í illviðri og kafaldsbyl með tímabund-
inni ófærð á aðkomuleiðum. Almennt
er talið að veðurfarsskilyrði geti verið
mjög mismunandi á Fljótsheiði og í
Brúardölum. Endurbætt Brúardalaleið
gæti því í sumum tilfellum verið greið-
færari að vetrarlagi. Svæðið er við
núverandi Brúardalaleið, slóðinn ligg-
ur milli vinnubúðanna og athafna-
svæðanna, þar verður hann ætlaður
framkvæmdaaðilum á verktímanum.
Nýr tvöfaldur vegur verður lagður
vestan við búðirnar og endar hann
við Sauðárdalsstíflu. Þessi vegur mun
að verki loknu liggja yfir stífluna, en á
verktíma nýtist hann gestum, sem
og flutningi á efni frá námum við
Kárahnjúkastíflu í Sauðárdalsstíflu.
Nýr vegur yfir Jökulsá tengist Brúar-
dalaleið og vinnubúðasvæðinu innan
skipulagssvæðisins.
Á deiliskipulagssvæðinu eru fyrirhug-
aðar vinnubúðir og athafnasvæði
þeirra aðila, sem starfa að fram-
kvæmdum á staðnum. Sömuleiðis er
reitur fyrir þjónustuaðila. Svæði þessi
eru reituð upp og skarast svæði
óskyldra aðila eða starfsemi hvergi.
Innan hvers reits eru viðkomandi
aðilum gefnar frjálsar hendur varð-
andi frekara skipulag. Engar kvaðir
við
eru settar varðandi húsgerðir eða fyr-
irkomulag, aðrar en þær sem fram
koma í byggingarlögum og -reglu-
gerðum.
Neysluvatn kemur úr borholu í
Laugavalladal, frárennsli fer í rotþrær
og tilheyrandi siturlagnir. Sorp verður
flokkað í gáma og fjarlægt af Sorp-
samlagi Miðhéraðs.
A Vinnubúðir Impregilo
Gert er ráð fyrir 700 íbúum í aðal-
vinnubúðasvæðinu, sem verður um
10 ha. Húsin á svæðinu verða flest af
sömu gerð en misstór, öll úr
verksmiðjuframleiddum einingum og
klædd utan með bárustáli, bæði þök
og veggir. Byggingarnar verða allar á
einni hæð. íbúðirnar eru ýmist fyrir
einstaklinga eða fjölskyldur. Svefn-
skálar verða mest fyrir 20 manns.
íbúðir verða í einbýlis-, tvíbýlis- eða
fjórbýlishúsum. Gert er ráð fyrir að
fjölskyldufólk geti verið með börn
með sér. Ýmiss konar þjónusta fyrir
íbúana er á svæðinu: mötuneyti,
þvottahús, félagsmiðstöð, heilsurækt,
verslun, skóli, leiksvæði og heilsu-
verndarstöð. Við hana eru bílskúrar
fyrir sjúkrabíla og þyrlulendingarpallur.
Svæðið verður afgirt.
B Vinnubúðir Landsvirkjunar
Við gatnamót Brúardalaleiðar og
Kárahnjúkavegar yfir Jökulsá eru
búðir Landsvirkjunar fyrir 30 starfs-
menn. Þar er upplýsinga- og
fræðslumiðstöð á verktímanum.
Fyrirhugaðri hálendismiðstöð hefur
ekki enn verið valinn staður.
30 avs