Feykir - 06.04.2022, Síða 3

14/2022 3
Nú eru fermingar að hefjast og kannski einhverjar nú þegar
afstaðnar. Ég fór að velta því fyrir mér hvort og þá hvað
gæti hafa breyst í fermingarundirbúningi frá því ég sjálfur
fermdist, árið 1981. Þó ekki séu liðin nema 40 ár frá þeim
degi þá hafa heilmiklar, eða líklega má segja gríðarlega
miklar, framfarir orðið í tækni og vísindum sem gjörbreytt
hafa lífsskilyrðum og lifnaðarháttum á margan hátt.

Tæknibylting þessi hefur auðveldað
okkur margvísleg störf, lagt einhver
niður og einnig búið til ný. Upp-
lýsingatæknin gerir okkur kleift að
nálgast hvers kyns úrlausnir á
sekúndubroti í gegnum Alnetið og
afþreyingu er hægt að sækja hvert
sem er um hvað sem er. Erum við þá
ekki að tala um hið fullkomna líf?
Ég sé svona í fljótu bragði ekki
neinar stórar breytingar í hinum
dæmigerða fermingarundirbúningi eða -athöfnum þjóð-
kirkjunnar, hvar ég fermdist og fermdi mínar dætur. Allt
gengur þetta út á að læra grunnstefið í kristninni og ganga á
guðs vegum.
En ýmislegt hefur breyst í þjóðfélaginu, fólk er upplýstara
og tekur ákvarðanir út frá því eðlilega. Margir telja sig ekki
eiga samleið með Þjóðkirkjunni eða Jesú Kristi sem þó helg-
aði sig því að fólk, þar með talin börn, hefðu það þokkalegt og
nytu þeirra mannréttinda sem kostur var á á þeim tíma.
Þetta finnst mér mikilvægur þáttur í samfélagi okkar hvar sem
er í heiminum.
Ég var spurður að því um daginn hvort ég héldi að ég
myndi láta ferma mig ef ég væri á þeim aldri í dag. Ég þurfti
ekki að hugsa mig lengi um, já, ég myndi gera það. Ekki
endilega vegna guðstrúar, því ég er ekkert svo trúaður, held-
ur hitt að kristið samfélag hentar mínum lífsskoðunum. Ég trúi
á ófullkomleika mannsins og mátt bænarinnar til að koma mér
í gegnum daglegt amstur og halda mér innan marka hins mjóa
stígs sem flestir vilja feta í gegnum lífið. Ef ég villist af leið vil
ég vera viss um að ég fái að ganga hann á ný án refsingar
einhvers almættis en með vinsamlegum leiðbeiningum um
betri hegðun sem væntanlega skapar betri líðan.
Og talandi um betri líðan er ég ekki viss um að börnum,
eða fólki almennt, líði neitt betur í dag en fyrir 40 árum þó
manni finnist að svo ætti að vera með allri tækninni, af-
þreyingunni og upplýsingunum sem við höfum aðgang að í
dag. Hvernig skyldi standa á því?
Ég óska öllum fermingarbörnum til hamingju með áfang-
ann, hvort sem þau eru að staðfesta skírn sína í Þjóðkirkjuna,
til annarra trúfélaga eða utan þeirra. Megi framtíðin verða
ykkur gjöful og hamingjurík og munið að rækta lífið á heil-
brigðan hátt.
Góðar stundir. Páll Friðriksson ritstjóri
LEIÐARI
Til hamingju fermingarbörn
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Óli Arnar Brynjarsson, oli@feykir.is
Sigríður Garðarsdóttir, siggag@nyprent.is
Klara Björk Stefánsdóttir, klara@nyprent.is
Prófarkalestur: Fríða Eyjólfsdóttir
Forsíðumynd: Elvar Már Jóhannsson
Fyrirsæta: Grafarkirkja.
Auglýsingastjóri: Sigríður Garðarsdóttir, siggag@nyprent.is
Áskriftarverð: 649 kr. hvert tölublað með vsk. Lausasöluverð: 795 kr. m.vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Þeim áfanga var náð á
dögunum í Héraðsskjalasafni
Skagfirðinga að allar
ljósmyndir sem voru í eigu
Feykis hafa verið skráðar. Að
sögn Sveins Sigfússonar,
starfsmanns safnsins, voru
þær rétt um fimm þúsund
talsins og tók verkið vel á
annað ár.
„Þetta eru myndir sem
komu frá Þórhalli Ásmunds-
syni, fyrrverandi ritstjóra, og
eru frá upphafi útkomu Feykis
1981 til aldamóta,“ útskýrir
Sveinn. Hann segir einstaka
myndir hafa verið merktar en
annars fór hann inn á Tímarit.
is og reyndi að finna í hvaða
blaði myndirnar birtust til að
sjá hverjir voru á myndunum
og hvert tilefnið var.
„Þó maður þekki einhvern,
hús eða annað, þá langar mann
til þess að komast að því af
hvaða tilefni myndin væri í
Fimm þúsund
myndir skrásettar
Gamlar Feykismyndir á Héraðsskjalasafni Skagfirðinga
Mynd: Sveinn Sigfússon við skrifborðið sitt en hann hafði veg og vanda að
skrásetningu Feykismyndanna. MYND: PF
blaðinu. Skráningin gekk í
fáum orðum út á þetta.“
Einhverjar myndir voru
einnig í safninu sem ekki
birtust í blaðinu og segir
Sveinn að töluvert hafi vantað
upp á það að ná öllu. Hann
segir að meiningin sé að
myndirnar verði gerðar að-
gengilegar á netinu síðar.
Sveinn segir verkefnið hafa
verið skemmtilegt. „Já, það er
mjög gaman að grúska í
gömlum myndum og líka
hvað maður var fljótur að
kveikja í fólki sem maður taldi
að vissi eitthvað um mynd-
irnar og áhuginn hjá því
vaknaði.“
Þar sem þessu verkefni er
lokið bíður það næsta og segir
Sveinn horfa til safnsins hans
Stebba Ped en þar má finna
nokkra tugi þúsunda mynda.
En þegar Feykir náði tali af
Sveini fyrir helgi var hann að
skrá myndasafn sem kom frá
Erlu Gígju Þorvaldsdóttur.
Hann segir mikið um mynda-
gjafir á safnið, sérstaklega úr
dánarbúum. „Það má endi-
lega koma því á framfæri að ef
fólk á gamlar myndir að
endilega skrifa aftan á þær.
Mynd sem ekkert er skráð um
og enginn veit neitt um er
einskins virði.“ /PF
Sá merki áfangi náðist með
birtingu vísnaþáttar þessa
tölublaðs að 35 ár eru liðin frá
því Guðmundur Valtýsson hóf
að sjá um hann en sá fyrsti
undir hans stjórn birtist 1. apríl
1987. Þar með var komið fast
form á vísnaþátt í blaðinu en
áður hafði Bragamál birst
endrum og sinnum í umsjá
Inga V. Jónassonar.
Þrátt fyrir nútímatækni
hefur lítið breyst í fæðingarferli
hvers þáttar en Guðmundur sér
um að sanka að sér og rita á blað
þær vísur sem eiga að birtast og
ávallt skemmtilegar og fróðleg-
ar athugasemdir hafðar með.
Síðan fær ritstjóri vísurnar
sendar með pósti, ellegar með
öðrum leiðum, úr Svartár-
dalnum og út á Krók, og slær
þær inn á tölvutækt form. Að
því loknu er hringt í vísna-
Vel yfir 12.000 vísur birst
35 ára vísnaþáttur
Guðmundi var færður glaðningur þegar hann mætti í eigin persónu á ritstjórnarskrifstofu
Feykis 1. apríl síðastliðinn en hann tók það ekki í mál að sitja einn fyrir á mynd.
Starfsfólk Nýprents vildi hann fá með sér en prentarinn, Guðni Friðriksson, tók myndina.
Fyrir þá sem ekki þekkja fólkið er Klara Stefánsdóttir lengst til vinstri, þá ritstjórinn,
Guðmundur sjálfur, Óli Arnar og loks Sigga Garðars.
bóndann og farið yfir þáttinn
og þær villur leiðréttar sem
kunna að hafa slæðst inn. Eftir
það er óhætt að senda þáttinn
áfram á uppsetjara Feykis.
Mikil regla er í skjalasafni
Guðmundar sem búinn er að
raða öllum þáttunum inn í
möppur og eru þær orðnar átta
talsins fullar, með eitthundrað
þáttum hver þeirra en skammt
er síðan 800. þátturinn birtist í
Feyki, sem gerðist í 4. tbl. sem út
kom 26. febrúar sl.
Þökkum við Guðmundi
eljuna við að halda þetta út en
ætla má að vel yfir 12000 vísur
hafi þannig komið fyrir sjónir
lesenda þrátt fyrir að einhverjar
hafi birst oftar en einu sinni. Má
ætla að mikil menningar-
verðmæti séu fólgin í þessari
miklu vinnu Guðmundar.
Þátturinn nýtur enn mikilla
vinsælda og hefur Guðmundur
samþykkt að halda starfinu
áfram og eins og margoft hefur
komið fram eru lesendur
hvattir til að senda þættinum
efni. /PF