Feykir - 06.04.2022, Side 13

14/2022 13
óskar
fermingarbörnum
og fjölskyldum
þeirra til hamingju
með daginn!
Sími 455 6010 www.farskolinn.is
Tölvulæsi
fyrir 60 ára og eldri
Eftir að hafa tekið þátt í útboði hefur Farskólinn gert
samning til eins árs við félags- og vinnumarkaðsráðuneytið
um að skipuleggja og kenna sjö námskeið í tæknilæsi fyrir
eldra fólk á Norðurlandi vestra (60 ára og eldri).
Hvert námskeið er átta klukkustundir í staðnámi og kennt í fjórum
tveggja klukkustunda lotum. Þar sem kennslan er einstaklingsmiðuð
verða að hámarki átta manns á hverju námskeiði.
Námskeiðin verða haldin á Hvammstanga, Blönduósi,
Skagaströnd, Sauðárkróki, Varmahlíð og Hofsósi.
Helstu áherslur verða:
- Notkun rafrænna skilríkja á netinu.
- Heimabankinn, bókarnir og netverslun.
- Samfélagsmiðlar.
- Rafræn samskipti; tölvupóstar.
Þátttakendur mæta með sínar tölvur eða snjallsíma.
Farskólinn getur lánað fartölvur ef á þarf að halda.
Námskeiðin verða haldin í maí og september og verða
auglýst aftur nánar síðar. Áhugasamir geta þó haft
samband í síma 455 – 6010 og skráð sig.
Ekki þarf að greiða fyrir þátttökuna á námskeiðinum.
Gróa Guðmunda Haraldsdóttir býr í Dalatúninu á
Sauðárkróki en fermdist í kirkjunni á Flateyri 26. maí
1975. Gógó starfar í Árskóla á Sauðárkróki.
Hvernig var fermingar-
dressið? Svört jakkaföt,
hvít blússa með grænum
blómum og sjúllaðir
svartir ökklaháir skór
með breiðum hæl og
botni og svo svartur
leðurjakki utan yfir.
Hvar var fermingar-
veislan haldin? Hún var
haldin í foreldrahúsum.
Hvað bauðstu upp á í
fermingarveislunni? Það
var kökuhlaðborð, alvöru
hnallþórur og læti.
Hver var heitasta gjöfin á
þeim tíma? Skatthol og
orðabók voru heitustu
gjafirnar.
Hver er eftirminnilegasta gjöfin sem þú fékkst? Silfur-
hringur með fjólubláum steini.
Ef þú ættir að fermast í dag, hver væri óskagjöfin?
Óskagjöfin í dag væru gönguskíði og tilheyrandi plús
námskeið.
HEITASTA GJÖFIN | klara@nyprent.is
Gróa Guðmunda Haraldsdóttir
Fermdist í sjúlluðum
svörtum ökklaháum
skóm með breiðum hæl
og botni!
Anna Klara Hreinsdóttir býr í Reykjanesbæ og
fermdist 4. apríl 1974 í Sauðárkrókskirkju.
Anna Klara starfar í Bláa Lóninu.
Hvernig var fermingar-
dressið? Fermingar-
dressið var blátt sítt
flauelspils með smekk og
bláskræpótt blússa.
Hvar var fermingar-
veislan haldin? Hún var
haldin heima.
Hvað bauðstu upp á í
fermingarveislunni? Það
voru brauðtertur og
kökur, það var í fyrsta
skiptið sem ég smakkaði
brauðtertu.
Hver var heitasta gjöfin á
þeim tíma? Skatthol var
heitasta gjöfin á þessum
tíma.
Hver er eftirminnilegasta
gjöfin sem þú fékkst? Eftirminnilegasta gjöfin eru eigin-
lega tvær; pelsjakki úr kanínuskinni og appelsínugult
segulband með handfangi.
Ef þú ættir að fermast í dag, hver væri óskagjöfin?
Myndi örugglega vilja pening eða flugmiða til útlanda.
Anna Klara Hreinsdóttir
Appelsínugult
segulband með
handfangi
Sólveig Birna H. Elísabetardóttir er Skagfirðingur en uppalin í
Breiðholtinu, býr á Akureyri og starfar sem formaður
Stúdentafélags Háskólans á Akureyri. Sólveig fermdist í
Seljakirkju þann 22. maí 2011.
Hvernig var fermingardressið? Ég
valdi mér ferskjubleikan kjól úr
Cosmo, mamma vildi að ég yrði í
sumarlegum kjól. Svo má ekki
gleyma hvítu ermunum sem voru í
tísku þá.
Hvar var fermingarveislan haldin?
Veislan var haldin í veislusal Selja-
kirkju.
Hvað bauðstu upp á í fermingar-
veislunni? Ég bauð upp á kjötsúpu
en afi tók ekki annað í mál en að
bjóða einnig upp á humarsúpu, svo
það voru tvær súpur í boði ásamt
kökum í eftirrétt.
Hver var heitasta gjöfin á þeim
tíma? Ég vil meina að það hafi verið
hálsmen með nafninu sínu á. Það
var efst á óskalistanum mínum en ég
fékk það ekki í fermingargjöf svo mamma leyfði mér að kaupa
hálsmenið fyrir fermingarpeninginn.
Hver er eftirminnilegasta gjöfin sem þú fékkst? Ætli það hafi ekki
verið fartölvan frá pabba og Rósu Dóru. Mér fannst mjög töff að fá
tölvu í fermingargjöf.
Ef þú ættir að fermast í dag, hver væri óskagjöfin? Ætli það sé ekki
hlutabréf í einhverju fyrirtæki, bara því mig langar til að eignast
hlutabréf en kann bara ekki að kaupa það, hahahaha. Sólveig Birna H. Elísabetardóttir
Mamma vildi
að ég yrði í
sumarlegum kjól