Ský - 01.02.2001, Blaðsíða 32

prófkjöriö í Sjálfstæðisflokknum. Mestu
vonbrigðin með Davíð eru kannski að hann
hefði mátt vera ennþá meira afgerandi í að
opna þjóðfélagið. Ríkisstarfsmönnum hefur
llka fjölgað I hans tíð og báknið stækkað,
en ég hefði frekar vilja sjá málin þróast í
hina áttina.
Davíð virðist nú ekki vera neitt sérlega
hlýtt til þín? Þetta er bara pólitík. Ég tek
þetta ekki persónulega.
En hvaða umsögn gefurðu borgarstjóran-
um? Ingibjörg Sólrún er sjálfsagt hæfasta
kona sem hefur komið fram í stjórnmálum
á íslandi. Hún er áreiðanleg, heiðarleg og
afgerandi í því sem hún tekur sér fyrir
hendur. Hún er mikill leiðtogi og hefur
rekið borgina farsællega.
Höldum áfram með stjórnmálaleiðtogana,
hvað segirðu um Halldór Ásgrímssson?
Halldór Ágrimsson er maður sem ég ber
mikið traust til. Ég tel að hann sé einn af
fáum stjórnmálamönnum sem eru alheilir í
gegn. Hann er ekki dægurmálapólitíukus
sem hefur eina skoðun í dag og aðra á
morgun. Halldór er samkvæmur sjálfur sér.
Hvað finnst þér um Össur Skarphéðinsson?
Össur er mjög skemmtilegur. Við erum
góðir kunningjar. Það er mjög gaman að
umgangast Össur, hann er hrókur alls
fagnaðar á mannamótum. Ég átti ekki von
á því að hann yrði leiðtogi Samfylkingarinnar
fyrr en síðar, en ég held að hann geti sinnt
því starfi ágætlega.
Þá er það Steingrímur J. Sigfússon.
Ég þekki Steingrím lítið, en miðað við
mínum litlu kynni af honum er þetta góður
maður og heiðarlegur. Hann er fylginn sér
og málefnalegur.
Hver heldurðu að þróunin verði í stjórn-
málunum á íslandi? Ég held að það verði
ekki komist hjá því að Framsóknarflokkur-
inn, Samfylkingin og Vinstri grænir myndi
næstu ríkisstjórn.
Er það þín óskastjórn? Nei, það er engin
óskastjórn til I mínum huga.
Hver eru þín pólitísku prinsipp I lífinu?
Ég hef orðið æ frjálslyndari með árunum.
Ég starfaði um árabil innan Sjálfstæðis-
flokksins og var meðal annars ritari Varðar
I nokkur ár áður en leiðir skildi með mér
og flokknum. Núna á ég miklu meira sam-
eiginlegt hugmyndafræðilega séð með
ungu kynslóðinni I Sjálfstæðisflokknum
en þeirri eldri, sem starfar eftir úreltum
gildum og leikreglum. En I dag er ég fyrst
og fremst lýðræðissinni. Með þvl á ég við
að það á ekki alltaf einn flokkur að
stjórna, menn verða að skiptast á.
Þér finnst sem sagt Sjálfstæðisflokkurinn
hafa setið of lengi I ríkisstjórn?
Það er engum hollt að sitja of lengi við
stjórnvölinn. Davíð hefur tekist það sem
engum öðrum hefur tekist, að fara úr stól
borgarstjóra eftir langa dvöl þar, beint I
sæti forsætisráðherra og nú hefur hann
setið lengst allra þar. Ég held að hann sé
búinn að gera það sem hann ætlaði sér.
Staða Norðurljósa sterk
Hverjir eru þínir helstu ráðgjafar?
Helga konan mln er minn helsti ráðgjafi
I öilum málum. Annars eru það engir
ákveðnir menn sem ég leita til. Ég er
þannig gerður að þegar mál koma upp,
sem ég þarf að takast á við, sama hvers
eðlis þau eru, þá leita ég þangað sem ég
held að reynslan og vitneskjan sé mest.
Ég er mjög trúaður á fólk og heilindi þess
og ég er ekkert feiminn við að hringja I
þá sem ég held að geti ráðið mér heilt
og þá þarf ég ekki að þekkja viðkomandi
persónulega áður. Þegar menn eru vinir
þróast hlutirnir oft þannig að þeir líta mál
svipuðum augum.
Nú verður maður ekki eins stór eins og þú
í viðskiptalífinu án þess að eignast öfund-
armenn. I öllum kapphlaupum er það
þannig að einhver hleypur hraðar en hinir
og hreppir vinninginn. Hinir sitja misjafnlega
sárir eftir.
En ertu harðskeyttur samningamaður?
Það er enginn samningur góður sem endar
þannig að annar aðilinn gengur frá borði
gríðarlega ánægður en hinn ekki. Maður
semur ekki aftur við þann aðila. Það verður
að ná lendingu sem báðir geta sætt sig
við. Það er grundvallaratriði.
Áttu einhvers staðar svarta bók með
nöfnum manna sem hafa gert á hlut þinn?
Ég erfi ekki við fólk þótt það geri eitthvað
á minn hlut. Það er til enskt máltæki sem
ég hef haft bak við eyrað: „Be nice to the
people you meet on your way up, because
you might meet them on your way down."
Hvernig standa Norðurljós; það hefur loðað
við ykkur að félagið skuldi mjög mikið?
Við endurfjármögnuðum fyrirtækið fyrir
tveimur árum með hollenskum bönkum og
það stendur mjög vel. Þetta er rótgróið fyrir-
tæki sem er vel undirbúið fyrir mögur ár ef
efnahagslífið myndi þróast til verri vegar.
Norðurljós er með 450 starfsmenn I dag
og um hver mánaðamót reiða 450 fjöl-
skyldur sig á að það verði greidd út laun.
Þeir sem eru að reyna að höggva I fyrirtækið
og gera allt til þess að okkar velgengni
verði sem minnst eru ekki að hugsa um
þessar fjölskyldur. Það er meira en að
segja það að standa I rekstri og bera þá
ábyrgð sem því fylgir.
Norðurljós verður með mikið pláss í
Smáralind, ertu bjartsýnn á að það sé
pláss fyrir svona risavaxna verslunarmið-
stöð á markaðinum? Já, mikil ósköp. Við
erum að fara mjög stórt þarna inn
sjálfir. Við verðum með fimm sala kvik-
myndahús, sem verður glæsilegasta bló
sem byggt hefur verið á íslandi, og við
verðum llka þarna með stærstu hljómplötu-
og afþreyingarverslun landsins. Skífan var
eitt fyrsta fyrirtækið sem gerði samkomulag
við Smáralind um að vera I húsinu. Á
sínum tíma var Skífan líka eitt af fyrstu
fyrirtækjunum sem gerði samkomulag við
Kringluna um að vera þar. Áður en ég gerði
það reiknaði ég hvernig það gæti staðið
undir sér að fara út I þessa fjárfestingu og
fékk alltaf út það sama, þetta gæti ekki
gengið upp. En samt komst ég að þeirri
niðurstöðu að ég gæti ekki tekið sénsinn
á að gera þetta ekki, það var einhver eðlis-
hvöt sem sagði mér að dæmið yrði annað
en ég fékk með reiknistokknum. Og það
reyndist rétt. Sama held ég að gildi með
Smáralindina. Ég held reyndar að hún verði
mjög sterk strax I upþhafi, en verslunin þar
mun bitna á öðrum svæðum þvl ekki hefur
neytendum fjölgað neitt sérstaklega mikið
á byggingartíma Smáralindar. Og ég held
að Kringlan muni finna fyrir því meira heldur
en Laugavegurinn. En þegar Kringlan var
opnuð 1987 tók það Laugaveginn ekki
nema þrjú ár að jafna sig og ég held að
það verði sviþað I þessu dæmi.
„í öllum kapphlaupum er þaö þannig aö einhver hleypur hraöar en hinir og hreppir vinninginn."
30 SKÝ JÓN ÓLAFSSON