Árbók Reykjavíkurborgar - 01.10.1980, Blaðsíða 260

242
Skipulagsstofa höfuðborgarsvæðisins
Formlegt samstarf sveitarfélaga á höfuðborgarsvæðinu að skipulagsmálum
á sér töluvert langan aðdraganda. Árið 1961 var svæðaskipulagsnefnd
komið á fót fyrir þetta svæði og var henni ætlað það hlutverk "að vera
Skipulagsnefnd ríkisins og skipulagsstjóra til ráðuneytis og að koma á
framfæri og samræma óskir og þarfir sveitarfélaganna, hvað skipulag
snertir."
1 kjölfar skipulagslaganna frá 1964 var fenginn lagalegur grundvöllur fyrir
þetta samstarf og var þá stofnuð Samvinnunefnd um skipulag Reykjavíkur óg
nágrennis. Starfssvið þessarar nefndar var ákveðið með reglugerð og áttu
sömu átta sveitarfélög aðild að henni og nú eiga aðild að Skipulagsstofu
höfuðborgarsvæðisins. Skipulagsstjóri ríkisins skipaði formann nefndarinnar.
Þessi nefnd lét vinna heildaráætlun fyrir svæðið, þótt hún hefði enga fasta
starfskrafta, og var því verki lokið 1972. Mikinn tíma tók að yfirfara
þetta verk. 1 ljós kom að skipulag einstakra sveitarfélaga hafði tekið
töluvert aðra stefnu en áætlunin gerði ráð fyrir og hlaut hún ekki endan-
legt samþykki.
Á þessu tímabili hafði engu að síður komist á náið samstarf þessara
sveitarfélaga á ýmsum sviðum og skilningur vaknað fyrir því að árángurs-
ríkasta leiðin til þess að stuðla að bættu skipulagi þessa svæðis væri
að koma á fót sameiginlegri skipulagsstofu. Drög að samningi fyrir þannig
skipplagsstofu voru lögð fram í nóvember 1976 og voru þau síðan samþykkt
af hlutaðeigandi sveitarfélögum í ársbyrjun 1979. Stjórn skipulagsstofunnar
er í höndum fimm manna framkvæmdastjórnar sem starfar undir yfirstjórn
stjórnar "Sámtaka sveitarfélaga á höfuðborgarsvæðinu". Meginmarkmið þessa
samstarfs er gerð aðalskipulags (svæðaskipulags) fyrir höfuðborgarsvæðið.
Vinna á Skipulagsstofunni að Hamraborg 7, Kópavogi hófst síðan á útmánuðum
1980.
Það svæði sem ofangreind átta sveitarfélög ná yfir er tæpir 740 ferkíló-
metrar að stærð (án vatna), og á því búa um 120.000 manns, sem eiga um 54%
af öllum bifreiðum landsmanna. Á þessu svæði er ma. miðstöð stjórnsýslu,
menntunnar, verslunar, iðnaðar, þjónustu og samgangna fyrir landið allt
auk þess sem fjöldi fyrirtækja og stofnana eiga þar höfuðstöðvar. Miklu
skiptir því að samstarf þessara sveitarfélaga geti gengið snurðulífið.