Íslenska leiðin - 01.05.2022, Blaðsíða 10

10 ÍSLENSKA LEIÐIN 20. ÁRGANGUR 2022
ÍSLENSKA LEIÐIN
Ég vil ekki teikna upp einhverja tímalínu
þar sem ég skrifa um allt sem fór úrskeiðis
þannig ég dreg þetta saman: Yfirkjörstjórnin í
Norðvesturkjördæmi byrjaði að endurtelja sjálf,
ekki talningarfólkið sem gat ekki staðfest að öll
atkvæði hafi verið endurtalin, kjörgögnin voru
ekki innsigluð, kjörkassarnir voru geymdir í
sal þar sem mikill umgangur var um nóttina,
lögreglan gat ekki útilokað að ekki hafi verið átt
við kjörgögnin, Kjörbréfanefnd fann vitlaust
flokkuð atkvæði, Kjörbréfanefnd endurtaldi
ekki öll atkvæðin og að lokum: Formaður
yfirkjörstjórnar í Norðvesturkjördæmi var einn
með óinnsigluðum kjörgögnum í hálftíma.
Þetta eru margir vankantar á meðhöndlun
kjörgagna. Sumt af þessu er ólöglegt eins og kom
í ljós þegar lögregla sektaði Yfirkjörstjórnina
í NV. Kosningalög voru því brotin við þessa
talningu og alla framkvæmdina sjálfa. Þá tók
Kjörbréfanefnd Alþingis við málinu sem átti að
rannsaka framkvæmdina og mögulega komast
að þeirri niðurstöðu að talningin ætti ekki að
standa, enda var vafi um vilja kjósenda. Fundirnir
voru margir og langir hjá Kjörbréfanefnd og fór
ég meira að segja fyrir einn fund vegna kæru
minnar á kosningunum. Ég hafði alltaf hugsað
mér að þetta yrði opinn fundur þar sem ég var
með góðan rökstuðning og góða framsögu en í
ljós kom að fundurinn hafi ekki verið opinn. Ég
hefði þó mátt biðja um það en það vissi ég ekki
vegna lélegs upplýsingaflæðis nefndarinnar til
almennings.
Það voru margir vankantar á öllu ferlinu
í kringum talningarmálið. Hvort sem það var
talningarferlið sjálft, breytta niðurstaðan eða
atkvæðagreiðslan á þingi. Atkvæðagreiðslan á
Heimatilbúinn
Daginn eftir síðustu alþingiskosningar hófst endurtalning, sem
talin var ekki eiga sér stoð í lögum enda engin heimild fyrir henni -
sem gjörbreytti niðurstöðum kosninga. Fimm jöfnunarþingmenn
duttu út, fimm aðrir komu inn í staðinn og samsetning
þingmannahópsins í Norðvesturkjördæmi breyttist.