Íslenska leiðin - 01.05.2022, Blaðsíða 24

24 ÍSLENSKA LEIÐIN 20. ÁRGANGUR 2022
ÍSLENSKA LEIÐIN
Félagslífs
Stjórnmálanemar hittust á Stúdentakjallaranum þar sem kvikmyndin Milk var sýnd. Kvikmyndin var
ábyggilega góð en flest voru þó spenntari fyrir því að spjalla enda mikil þörf á félagslegri útrás.
Á miðvikudeginum í nýnemavikunni var haldið Kahoot í Lögbergi fyrir stjórnmálafræðinemana. Þar
var nemendafélagið kynnt og farið yfir dagskrá félagslífsins fyrir haustönnina. Eftir kahoot leikinn
var aftur haldið á Stúdentakjallarann og sumir enduðu kvöldið á Miami bar á Hverfisgötu.
Á föstudeginum var ýmislegt að gerast. Viðburður Ungra umhverfissinna var haldinn í Norræna
húsinu þar sem verkefni þeirra Sólin var kynnt. Síðar um daginn hélt Politica pallborðsumræður
þar sem fulltrúar flokkanna í kosningabaráttunni ræddu málefni stúdenta. Um kvöldið var haldið
partý í sal Ferðafélags Íslands í Mörkinni. Þar var hægt að sleppa sér í góðum félagsskap eftir fyrstu
skólavikuna. Þeir sem voru á staðnum muna líklegast best eftir karaoke stemningunni sem magnaðist
þegar líða fór á kvöldið.
Loks eftir langa bið hittust nemar í stjórnmálafræði aftur í persónu,
klárir í annan skólavetur. Þar sem nýnemar haustsins 2020 höfðu
lítil sem engin tækifæri að taka þátt í félagslífinu á fyrsta ári sínu
fengu þeir að vera með í nýnemavikunni þetta skólaárið.
30. ágúst
01.sept
03. sept