Íslenska leiðin - 01.05.2022, Blaðsíða 29

29ÍSLENSKA LEIÐIN TÍMARIT STJÓRNMÁLAFRÆÐINEMA
ÍSLENSKA LEIÐIN
Í KU LEUVEN
er alltaf kallaður, er frábær akademískur skóli.
Skólinn er einn af þeim bestu í Evrópu. Til að
vera nákvæm, þá er hann númer 42 í heiminum
(samkvæmt Times Higher Education stuðli) sem
er sturlað. Námsmatið og áfangarnir eru öðruvísi
en við eigum að venjast í stjórnmálafræðinni
heima á Íslandi og eru flest allir áfangarnir með
100% lokapróf. Ef lokaprófið er ekki 100% þá
er það 90% og þau 10% sem eftir eru gilda fyrir
mætingu. Þetta hefur í för með sér að skólinn
er mjög krefjandi og stöðug áhersla lögð á að
þegar þú ert í fríi, eins og jólafríi eða páskafríi,
þá er það ekki frí heldur tími sem nemendur
eiga að nýta til að læra. Þrátt fyrir það er námið
mun umfangsmeira og nær alheimspólítikinni
en heima. Til dæmis tók ég áfanga sem heitir
Peace Research and Conflict Management og
kennarinn þekkir persónulega Frances Stewart
sem kom fram með kenninguna horizontal
inequalities sem er kennd í þessum sama áfanga.
Þetta sýnir hvað námið erlendis er mun nær
hinum alþjóðlega akademíska heimi hvað varðar
stjórnmálafræði og verð ég alltaf þakklát fyrir þá
þekkingu sem þessi skóli gaf mér. Belgía er frekar
miðsvæðis í heiminum og því ótrúlega auðvelt
að taka lest, rútu eða flug til annarra landa í
Evrópu. Ég ferðaðist til dæmis til Amsterdam
og Dublin sem var skemmtileg viðbót við
skiptinámsdvölina.
Þetta er mögnuð upplifun og ég fékk að kynnast
ótrúlegasta fólki frá ýmsum heimshornum. Þeim
fannst hins vegar magnað að hitta manneskju
frá Íslandi og spurðu mig um annaðhvort eldgos
eða norðurljós, jafnvel bæði. Flestir sögðu að
ég væri fyrsta íslenska manneskjan sem þau
höfðu hitt, sem opnaði augu mín um hvað við
erum einangruð og að heimurinn er svo miklu
stærri en „litla Ísland“. Ég hvet alla til að skoða
skiptinám, jafnvel framhaldsnám í útlöndum
eða bæta við sig bachelor gráðu erlendis. Þrátt
fyrir að skiptinámið sé stutt í samhengi við allt
lífið þá hafði það svo miklu meiri áhrif á mig en
mig grunaði. Ég þekki, skil og veit meira núna og
þessa þekkingu hefði ég ekki getað fengið annars
staðar.
Ég lærði mikið og kem svo sannarlega reynslunni
ríkari heim. Ég lærði ekki síst meira um sjálfa
mig. Það er krefjandi að flytja til útlanda, hvort
sem maður fer einn eða ekki, þetta er áskorun
fyrir alla. Að flytja ein í miðjum heimsfaraldi
í land sem ég hef aldrei komið til áður var
ógnvekjandi en um leið svo spennandi. Ég verð
ævinlega þakklát fyrir þessa reynslu og Háskóla
Íslands fyrir að bjóða upp á skiptinám og að veita
alltaf stuðning ef ég þurfti á honum að halda.
Skiptinámið markaði sannarlega ekki lokin á
mínum stjórnmálafræðiferli heldur upphafið.
Arna Dís Heiðarsdóttir,
stjórnmálafræðinemi
& skiptinemi í Leuven