Íslenska leiðin - 01.05.2022, Blaðsíða 42

42 ÍSLENSKA LEIÐIN 20. ÁRGANGUR 2022
ÍSLENSKA LEIÐIN
Þegar litið var til Íslands þá var lítið til af
„verkfærum“ fyrir ungt fólk til að nýta sér til
að kynnast lýðræði og framkvæma það utan
hefðbundinna kosninga. Samband íslenskra
framhaldsskólanema (SÍF) og Landssamband
ungmennafélaga (LUF) höfðu framkvæmt
skuggakosningar í framhaldsskólum frá árinu
2016, m.a. til að stuðla að aukinni þátttöku ungs
fólks í kosningum á Íslandi. Skuggakosningar
eru hermikosningar sem haldnar eru í
framhaldsskólum fyrir alþingiskosningar
og sveitastjórnarkosningar þar sem
framhaldsskólanemendur kjósa um sömu flokka
og eru í framboði í kosningum til Alþingis eða
sveitastjórna. Skuggakosningar eru öflug aðgerð
sem tilvalið var að nýta til að búa til handbók
um þátttöku í lýðræði, með sömu gildi í huga; að
stuðla að aukinni þátttöku ungs fólks í íslenskum
stjórnmálum og auka stjórnmálalæsi á Íslandi.
Hugmyndin um handbók í íslensku samhengi fór
að taka á sig mynd í byrjun árs 2020. Markmiðið
var að búa til handbók með óformlegum
aðgerðum (e. Non-formal educational actions)
fyrir ungt fólk og fólk sem vinnur með ungu
Af hverju er mikilvægt
að taka þátt í lýðræðinu?
Hvernig er bæði hægt að fræða ungt fólk á Íslandi um lýðræði og
stuðla að því að það taki þátt í því?
Þetta er spurning sem vaknaði sumarið 2019 þegar Sara Þöll
Finnbogadóttir, BA nemi í stjórnmálafræði við Háskóla Íslands,
hafði unnið að verkfærakistu (e. Toolkit) fyrir ungt fólk í
aðildarríkjum Evrópusambandsins fyrir Evrópuþingskosningarnar
sama ár. Markmiðið með verkfærakistunni var að útbúa eins konar
handbók fyrir framhaldsskólanemendur til að framkvæma aðgerðir
í aðdraganda Evrópuþingskosninganna. Aðgerðirnar voru allt frá
því að skipuleggja pallborð með frambjóðendum til þess hvernig
eigi að efna til áheita fyrir frambjóðendur.