Íslenska leiðin - 01.05.2022, Blaðsíða 44

44 ÍSLENSKA LEIÐIN 20. ÁRGANGUR 2022
ÍSLENSKA LEIÐIN
Flaustursverk í framkvæmd kosninga
Skoðanir á því hvernig staðið var á kosningunum
eru skiptar á Alþingi en þær eru allt frá því að
alvarlegir annmarkar hafi verið á framkvæmd
þeirra, í Norðvesturkjördæmi þá sérstaklega,
yfir í að um lýðræðislega hörmung sé að ræða.
Samstaða virðist þó vera um að lög hafi verið
brotin og að vinnubrögð yfirkjörstjórnar
Norðvesturkjördæmis hafi verið dálagleg. Til
að gera langa sögu stutta skal hér aðeins getið
að helstu annmarkarnir voru að mistök voru
gerð við talningu og flokkun atkvæða, kjörgögn
voru ekki innsigluð eftir talningu, starfsfólk
hótelsins þar sem talningin fór fram hafði
aðgang að talningarstað eftir að yfirkjörstjórn
yfirgaf hótelið og endurtalning átti sér stað án
þess þó að eftirlitsaðilar væru boðaðir. Þó svo að
öryggismyndavélar væru á talningarstað náðu
þær ekki til þess rýmis þar sem kjörgögnin voru
geymd í opnum kössum. Í þokkabót var formaður
yfirkjörstjórnar í Norðvesturkjördæmi einn með
kjörgögnin í 35 mínútur áður en aðrir meðlimir
yfirkjörstjórnar og talningarmenn komu á
vettvang eftir hvíld. Eins og ber að skilja skapaðist
mikil umræða um fyrirkomulagið og lögmæti
kosninganna í samfélaginu því ekki var hægt að
ábyrgjast að ekki hafi verið átt við kjörgögnin
þar sem því verklagi sem lög kveða á um var
ekki fylgt. Ekki batnaði ástandið þegar formaður
yfirkjörstjórnar Norðvesturkjördæmis, Ingi
Tryggvason, sagði í samtali við fréttastofu Vísis
að það hafi ekki tíðkast að innsigla kjörgögn eftir
klúðrið 2021 og
nýja stjórnarskráin
Nú eru liðnir fjórir mánuðir frá alþingiskosningunum síðustu sem
haldnar voru 25. september 2021. Tveimur mánuðum síðar upp á dag
staðfesti meirihluti Alþingis kjörbréf þau er landskjörstjórn gaf út
1. október 2021 og hafnaði jafnframt breytingartillögu Indriða Inga
Stefánssonar (P) um að láta fyrri talninguna í Norðvesturkjördæmi
standa ásamt því að virða að vettugi nefndarálit Björns Levís
Gunnarssonar (P), sem sat í kjörbréfanefnd, um að endurtaka
kosningarnar á landsvísu.