Heimili og skóli - 01.04.1947, Blaðsíða 13
HEIMILI OG SKOLI
35
Lög um menntun kennara
Tvennt er það einkum, sem íslenzkir barna-
kennarar hafa barizt fyrir undanfarin ár:
Hið fyrra er að fá bætt kjör sín, og hefur nú
fengizt bót á því með hinum nýju launalög-
um. Hið síðara er að krefjast meiri og full-
komnari menntunar fyrir barnakennara, og
hefur nú einnig fengizt endanleg lausn á því
með nýjum lögum um menntun kennara, sem
samþykkt voru á Alþingi þann 5. marz sl.
Þetta er allmikill lagabálkur í 6 köflutn og
56 greinum. Fyrsti kaflinn fjallar um Kenn-
araskóla Islands. Það skal vera fjögurra ára
skóli og starfa eigi skemur en 8 mánuði ár
hvert. Gert er ráð fyrir, að miðskólapróf veiti
rétt til inngöngu í skólann. En miðskólapróf
nefnist próf að loknu þriggja ára námi í gagn-
fræðaskóla.
I greininni um markmið skólans segir, að
honum sé ætlað að búa menn undir kennara-
starf við barna- og unglingaskóla, uppeldis-
störf félagslegs eðlis, svo sem við barna- og
unglingaheimili, barnaleikvelli, fávitahæli,
st.rf á vegum barnaverndarnefnda o. fl. Einn-
ig er honum ætlað að búa menn undir fram-
haldsnám. við Háskólaíslands, íþróttakenn-
araskóla íslands, liandíðakennaraskóla, og
húsmæðrakennaraskóla.
í skólanum skalkennaþessarnámsgreinar: Is-
lenzku og íslenzk fræði, eitt Norðurlandamál,
ensku, stærðfræði, eðlisfræði, efnafræði, nátt-
úrufræði, heilsufræði, landafræði, sögu, fé-
lagsfræði, kristin fræði, uppeldisfræði,
kennslufræði, kennsluæfingar, skrift, teiknun,
handavinnu, íþróttir og söng.
Þeir, sem búa sig einungis undir kennslu
við smábarnaskóla, í sérgreinum, eða undir
það að taka að sér uppeldisstörf önnur en
kennslu, eru ekki skyldir að stunda allar þess-
ar námsgreinar.
Með reglugerð má ákveða, að stúdentspróf
í almennum námsgreinum, svo sem íslenzku
og íslenzkum fræðum, erlendum tungumál-
um, náttúrufræði, landafræði og sögu, hafi
kennaraprófsgildi. Skulu þeir stúdentar, sem
þreyta kennarapróf, ekki prófskyldir í þeim
námsgreinum.
A sama hátt má ákveða, að kennarapróf í
sörnu greinum liafi stúdentsprófsgildi. Kenn-
arar þeir, sem þreyta vilja stúdentspróf, skulu
því ekki prófskyldir í þeim greinum. En
einkunnir í þessum greinum skulu í báðum
tilfellum færðar á kennaraprófs- og stúdents-
prófsskírteini og reiknaðar í aðaleinkunn.
Annar kafli laganna fjallar um kennslu-
stofnun í uppeldisvísindum við Háskóla Is-
lands. Þar segir m. a.: Við heimspekideild
Háskóla Islands skal koma á fót kennslustofn-
un í uppeklisvísindum, jafnskjótt og aðstaða
er fengin til æfinga- og tilraunakennslu. Hlut-
verk þessarar stofnunar er að veita kennurum
við barnaskóla og skóla gagnfræðastigsins,
menntaskóla og sérskóla menntun í uppeldis-
fræði, sálarfræði og kennslufræði. Auk þess
skulu kennarar í uppeldisvísindum annast
rannsókn og leiðbeiningar í þágu uppeldis-
mála landsins, eftir því sem samrýmist
kennslustörfum þeirra.
Rétt til að stunda nám í uppeldisvísindum
við stofnun þessa og taka þar próf liafa allir
þeir, sem lokið hafa almennu kennaraprófi
og stúdentar.
í kennslustofnun í uppeldisvísindum við
Háskéila íslands skal kenna eftirtaldar náms-
greinar: a) lífeðlisfræði, almenna og liagnýta
sálarfræði, sálarfræði barna og unglinga, heil-
brigðra, geðveiklaðra, vangefinna og siðferði-
lega vangæfra.
b) Vísindalega og hagnýta uppeldisfræði,
sögu .ippeldisfræðinnar, sögu uppeldisins,
einkum hér á landi, og uppeldislega siðfræði
og félagsfræði.
c) Almenna kennslufræði og kennsluæfing-
ar í einstökum greinum.
Þriðji kafli laganna fjallar um æfinga- og
tilraunaskóla. í 18. grein segir svo m. a.:
Skólinn starfar sem æfingaskóli kennaraskéil-
ans. Skal hann liafa uppeldis- og kennslu-
fræðilegar athuganir með höndum, einkum
varðandi barnafræðslu og gagnfræðanám.
Skal hann og hafa forgöngu um, að slíkar at-
huganir verði gerðar í öðrum skólum og unn-
ið tir þeim. Þá getur fræðslumálastjórn falið
skólanum að annast útgáfu leiðbeiningarrita
(Framhald á síðu 38).