Læknaneminn - 01.03.1976, Side 39

Tvö sjúkratilfelli
frá Röntgendeild Borgarspítalans
Kristján Sigurjónsson, lœknir
l.
64 ára gamall karlmaður hafði í eitt ár haft verk
þvert yfir miðjan kvið. Verkurinn kom öðru hverju,
stundum stóð hann nokkra daga í senn, stundum
skemur og var verkurinn nokkuð stöðugur meðan
hann stóð. Þessu fylgdi lystarleysi og almennur
s'appleiki ásamt kvöldhita 38,5°C. Mánuðinn fyrir
rannsókn hafði verkurinn verið nær alveg stöðugur,
mikið lystarleysi fylgdi og sjúklingurinn hafði létzt
um 6-8 kg. Hægðir voru mjög óreglulegar síðasta
mánuð og hann þurfti á klósett 4-5 sinnum á dag,
en mjög lítið kom í hvert sinn. Röntgenskoðun á
Mynd 1
Mynd 2
ristli var gerð ambulant og kom fram dæmigerð
sjúkdómsmynd (sjá myndir 1-2).
Sjúklingur er innlagður til skurðaðgerðar.
Hver er sjúkdómsgreiningin?
Skoðun við komu á skurðdeild: Hraustlegur,
fremur unglegur. Or undir hægri rifjaboga (chole-
cystectomia fyrir 10-15 árum). Or frá nafla niður
að nárabeinamótum (prostatectomia fyrir 8 árum).
Annað fannst ekki athugavert.
Læknaneminn
29