Læknaneminn - 01.03.1976, Blaðsíða 50

Frá félagi lœknanema
Rvík 10. apríl 1976.
Og enn liaja valist nýir pótintátar til starfa fyrir félagið. Þegar þessi orð
eru skráð hafa nýkjörnir embœttismenn setið við völd í mánuð, eða síðan
aðalfundurinn dubbaði þá upp. Og að öllu óbreyttu fá þeir að valsa um í
stjórnarleik fram að næsta aðalfundi, sem ja eina ályktun eða tvær og halda
féalgsfundi fyrir postulatöluna og fastagestinn. Eða væri máske rétt að
leggja félagsskapinn niður og afhenda IBM félagsherbergið sem. verkstæði
fyrir tölvuna góðu.
Jú, það er rétt, maðurinn er í fýlu. En ágœtu kollegar, í alvöru. Þegar á
fundi í félagi sem telur vel á þriðja hundrað manns mæta 6—12 trekk í
trekk, er það hœgt? Óðal og Sæsar leigðu danskar til að trekkja, sú nýjasta
ku meira að segja baða sig fyrir rúllugj.ald. Ugglaust eru fundarefni hrút-
leiðinleg og prófin alla að drepa. Við bíðum þá eftir því að einhverjir stingi
að okkur hressari fundarefnum, við erum ekkert nema eyrun.
Ætli við sláum ekki málunum á frest og blásum til félagsfundar um þetta
vesen allt með haustinu. Ég held að þið ættuð að pæla í þessu á meðan.
F. h. stjórnar F. L.
Þorvaldur Jónsson
form. F. L.
40
LÆKNANEMINN