Ferðir - 01.04.1980, Blaðsíða 3

FERÐIR
BLAÐ FERÐAFÉLAGS AKUREYRAR
APRÍL 1980 — 39. ÁRGANGUR
HELGI HALLGRÍMSON:
Jarðsaga Glerárdals
Síðari hluti
III. Myndun Glerárdals
og mótun landslags í honum
Þegar síðustu basaltlögin í „gráu hæðinni“ runnu fyrir um
það bil fimm milljónum ára lauk uppbyggingu berglaga-
staflans við vestanverðan Eyjafjörð. Samkvæmt lögmáli
landreksins hafði hið virka gosbelti þá færst austur á bóginn,
eða réttara sagt hafði basaltstaflann á Mið-Norðurlandi rekið
vestur frá því. Hvort þetta hefur gerst í stökkum eða með
hægfara þróun er lítið vitað, nema að í byrjun Jökultímans er
gosbeltið komið nálægt þeim slóðum, sem það hefur verið á
síðan, þ.e. miðhluta Þingeyjarþings.
Einhverntíman á þessu tímabili (í lok Tertíertíma) hafa
orðið geysileg umbrot á Eyjafjarðarsvæðinu. Hin tiltölulega
mishæðalausa háslétta hefur þá sprungið í stykki og stykkin
síðan misgengið og hallast á ýmsa kanta, sum hafa sigið niður
en önnur lyfst o.s.frv. (Svipaðar breytingar eru nú að gerast í
gosbeltinu í Þingeyjarsýslu). Þannig ber Vaðlaheiðin þess
greinileg merki að vera slíkt sigsvæði, og raunar er hún sam-
sett úr nokkrum stykkjum, sem hafa sigið misjafnt og hallast á
ýmsa vegu. Önnur slík sigstykki eru t.d. Þengilshöfði og