Úrval - 01.01.1982, Qupperneq 3

1
1. hefti
41. ár
Úrval
Janúar
1892
Nýtt ár er komið. Það er annars merkilegt hvað við leggjum mikið upp úr
þessum tilbúnu tímamótum. Skyldi ekki hafa verið minna stress um miðjan
vetur áður en menn fóru að búta tímann niður í tilbúna einingu eins og ár?
Að slepptu öllu gamni: við áramót er tími uppgjörs, menn líta um öxl og
reyna að draga lærdóm af því sem gerst hefur og hagnýta hann við skipu-
lagningu þess sem framundan er. Margt hefur verið að gerast í þjóðfélagi okkar
að undanförnu og margt stendur yfir þessa dagana. Mikið af því stafar af
vinnudeilum beint eða óbeint þar sem hverjum sýnist sitt.
Vinnudeilur eru ekki nýtt fyrirbrigði í mannlífinu. En kannski erum við
iðnari við þær en margir aðrir. Fyrir mörgum árum var ég í flugvél yfir Austur-
Evrópu, þegar það bar á góma við sænskan sessunaut minn hvaðan ég væri.
,,Frá Islandi, já,” sagði hann. ,,Hvað eru mörg verkföll í gangi þar núna?”
Ein af mörgum spurningum í sambandi við verkföll er sú hvort þau borgi
sig. Getur verið að þau borgi sig þegar alltaf þarf að vera að endurtaka sama
leikinn æ ofan í æ, minnst einu sinni á ári? Eru þeir sem launin greiða virkilega
svo vondir menn að þeir berjist móti því svo dögum og jafhvel vikum skiptir að
láta starfsfólkið fá rétdátan skerf af því sem til skiptanna er? Er sú „kjarabót”
sem vinnudeilur með verkföllum hafa í för með sér raunveruleg kjarabót? Eða
er hún aðeins til að auka verðbólguna, sem allir virðast hata en fæstir vilja í
raun og veru takast á við að sigrast á?
Hér verður ekki reynt að svara þessum spurningum. Úrval er ekki vettvangur
fyrir þess háttar. Úrval er til þess að auka mönnum víðsýni og lyfta þeim upp
fyrir venjulegt dægurþras.
Úrval óskar landsmönnum gleðilegs árs og þakkar þeim fyrir hið liðna.
Ritstjóri
Kápumyndin
Það sem af er vetrinum hefur verið frostasamt á Suðurlandi og fremur lítið um
snjóa. Jafnframt hafa gjarnan verið stilltur, eins og sést á kápumyndinni,
tekinni af Rjúpnahæð við Reykjavík. Norðlendingar syðra hafa gjarnan haft á
orði að þetta veður sé dæmigert Akureyrarveður.
3113h8