Úrval - 01.01.1982, Qupperneq 46

44
ÚRVAL
iðulega kominn aftur á hlaupabraut-
ina eftir fjóra mánuði til ár.
AP
FÖSTURLÆKNINGAR
Þróuð tækni hefur nú gert lækna-
vísindunum kleift að fást við
viðkvæmustu sjúklingana — ófædd
fóstur — með sívaxandi nákvæmni.
Nýlega tókst læknunum Mitchell
Golbus, Michael Harrison og Roy
Filly við University of California í San
Francisco giftusamlega að lækna
fóstur sem þjáðist af þvagstíflu. Hefði
þetta ekki komið til hefði lífí
fóstursins verið mikil hætta búin.
Lýsing á aðgerðinni er væntanleg í
The American Journal of Obsterics
and Gynecology.
Við hátíðnirannsókn á konu sem
gekk með tvíbura kom í ljós að
karlkyns fóstur í móðurlífi hennar var
með þvagstíflu sem gat leitt til
banvænnar þvagsöfnunar í blöðru og
nýrum. Læknarnir stungu þá holnál
inn í móðurlífíð og notuðu hátíðni-
tæki til að vísa sér leið og tókst þannig
að komast með þvagpípu inn í blöðru
fóstursins. Við aðra tilraun tókst að
láta þvagpípuna tolla á réttum stað
þannig að þvagið flæddi eins og vera
ber út í líknarbelginn allt fram að
fæðingu. Tvíburarnir fæddust heilu
og höldnu 10. maí 1981 og heilsaðist
vel. Læknarnir hyggjast laga þvag-
stífluna varanlega áður en sveinninn
verður ársgamall og telja hann ekki
munu bera neitt mein af þessu í
framtíðinni.
Science News

Á þeim árstíma þegar rósirnar standa í fullum skrúða finnum við í
fjölskyldunni oft staka rós liggja á gröf Harolds bróður míns sem dó úr
Hodgkinsveiki 19 ára gamall. Þrem árum eftir dauða hans vissum við
ekki enn hver sýndi honum þennan virðingarvott. En svo komumst
við að leyndarmálinu.
Eigandi þvottahúss staðarins leyfði Harold að fara í sendiferðir fyrir
sig þegar honum fannst hann hafa nóg þrek til þess. Á einum stað
sem hann kom reglulega á gaf hann sér alltaf tíma til að dást að garði
viðskiptavinarins. Frúin sem átti hann bauð Harold margoft vönd en
hann þáði aðeins eitt blóm sem hann setti annaðhvort í hnappagatið
eða stakk í hattinn sinn sér til ánægju yfir daginn. Frá því að hann dó
hefur þessi elskulega kona öðru hverju lagt eina rós á gröf hans vegna
þess að , ,Harold vildi aðeins eitt blóm”.
Fjölskylda Harolds fínnur til þakklætis og hlýju yfír því að meira
að segja núna, tuttugu árum eftir að hann dó, er hans minnst á
þennan hátt.
— V.N.P.