Úrval - 01.01.1982, Side 60

58
ÚRVAL
af sér lífhimnubólgu í kviðarholinu.
Don fékk síðar að vita að hann hefði
lifað af það sem jafnaðist á við fimm
sprungna botnlanga — og verið við
dauðans dyr.
A meðan Don var að jafna sig á
sjúkrahúsinu eyddi kafarafyrirtæki
tveimur vikum og þúsundum dollara
í árangurslausar tilraunir til þess að
fínna mennina tvo sem látið höfðu
lífið í Jacob’s Well. Nær fjórum
mánuðum síðar, 29. desember 1979,
sneri Don Dibble aftur til hellisins í
hópi nokkurra kafara. Þeir voru með
fáeina poka af sementi og nokkrar
járnstengur. Þeir komu fyrir varan-
legum tálmunum við opið inn í
fjórða hellinn. Þetta var ekki aðeins
legsteinn yfir mennina tvo, sem
þarna hvíldu, heldur tryggðu þessar
aðgerðir að Don yrði aldrei aftur
beðinn um að bjarga líkum manna úr
djúpi hellisins. ★
Eiginmaður við konu sína sem er að máta minkapels: „Elskan mín,
ég ætlaði ekki að þekkja þig. Þú lítur út fyrir að vera svo miklu feitari
í þessum pelsi.”
— K. V.
Yfir 80 sólarorkusímar eru meðfram vegum í Jórdaníu ætlaðir til þess
að ökumenn í vanda staddir geti gert viðvart. Ofan á hverjum „síma-
staur” eru sólarsellur. Þær breyta sólarljósinu í rafmagn sem hleður
rafhlöðu með 36 klukkustunda endingu. Síminn er í sambandi við
sendi sem er nógu kraftmikill til að ná til næstu örbylgjustöðvar.
Á hverjum síma eru allmargir takkar, hver um sig ætlaður fyrir
sérstaka tegund neyðartilfellis og þjónustu tengda því. Þegar ýtt er á
hnappana berast boð sem send eru áfram til miðstöðvar í einhverri af
þrem aðalstöðvum. __Nature
Hinn frægi „syngjandi sandur” á Slnaí, Globe eyðimörkinni í
Mongólíu, Atacama eyðimörkinni í Chile og Empty Quarter (Auða
fjórðungnum) í Saudi Arabíu heldur áfram að vera dularfullur. Þegar
sandurinn verður fyrir truflun gefa sandöldurnar frá sér hljóð eins og
strengjahljóðfæri, ymja eins og lágir orgelhljómar, klingja eins og
bjöllur eða drynja líkt og trommur. Þó að hitastigið sé mismunandi
og magn sands í öldunum hafi áhrif á sandtónlistina hafa vísinda-
menn enn ekki getað leyst þessa gátu um syngjandi sandinn.
— Grit