Vinnan og verkalýðurinn - 15.09.1954, Blaðsíða 12

haldi skipverjar mánaðarkaupi sínu
og fæðispeningum á sama hátt og í
leyfum þegar skipið siglir.
Þá er gert ráð fyrir að skipin sigli
ekki í nýja veiðiferð rétt fyrir jól eða
nýár.
Orlof verði greitt 6% og útgerðin
utvegi skipverjum sjóföt, vettlinga
og' vinnuföt með heildsöluverði.
Ákvæði eru um kaup og vinnutíma
skipverja í ferðum skipa vegna við-
gerða; á það sérstaklega við um skip
u.tan af landi sem fara til Reykjavík-
ur í viðgerð. Um það hefur ekkert
verið í samningum áður.
Fæðispeningar í veikindatilfellum
og hafnarleyfum hækki úr kr. 15.00 á
dag í kr. 18-00 í grunn.
Loks eru ákvæði um forgansrétt fé-
lagsmanna úr þeim félögum sem aðild
eiga að samningum, til skiprúms og
miðast slíkur forgansréttur við kjara-
svæði hvers viðkomandi félags.
Þegar skipverjar hafa verið kallað-
ir til skips á ákveðnum tíma en skipið
reynist ekki ferðbúið, skal hafnarfrí
framlengt um næstu 8 klst.
Þá er og í uppkastinu lagt bann við
umskipun afla milli skipa, en sé það
gert þá sé það framkvæmt í höfn.
í bréfi sem Félagi ísl. botnvörpu-
skipaeigenda var skrifað með frum-
varpinu að nýjum samningum, var
farið fram á að það beitti sér fyrir
því með sjómannafélögunum að skatt-
fríðindi sjómanna verði aukin.
Ákveðið var að vinna að því að þau
félaganna sem samningsrétt hafa um
kaup og kjör á togurum, en gátu ekki
tekið þátt í fundinum verði aðilar að
hinum nýju samningum.
Þegar heftið fór í prentun höfðu
félög sjómanna boðað vinnustöðvun
21. sept- n. k. ef þá hafa ekki tekizt
samningar. Fréttir eru á eina lund um
einhug sjómanna og ákveðin samtök
um að knýja fram kröfurnar, enda
eru þær að allra dómi hinar sann-
gjörnustu. Gegn sjómönnum í þessu
máli er ríkisstjórnin ein og nánustu
samherjar hennar í stétt stórútgerð-
armanna, að því er virðist. — Vinnu-
stöðvunartilkynningin nær til 35 tog-
ara.
Nýsköpunartogarar við hafnargarð í Reykjavík.
98
VINNAN og verkalýðurinn