Vinnan og verkalýðurinn - 15.12.1954, Blaðsíða 18

ú enu
Ýmsum þeim, er sátu 24. Alþýðusambandsþingið, mun hafa þótt
helzti mikill tími þingsins fara í þref milli hægri og vinstri um fulltrúa-
réttindi, en of lítill tími helgaður hagnýtum störfum og rökræðum
til úrlausnar vandamálum alþýðu.
Það er og mála sannast, að átökin um kjörbréf og fulltrúaréttindi
reyndust tímafrek og snerust ekki einfaldlega um rétt eða rangt á
mælikvarða laga og venja, á þeim gat það oltið hvort forysta þingsins
og æðstu völd í heildarsamtökum verkalýðsins lentu í höndum vinstri-
eða hægri afla. — Þetta munaði örfáum atkvæðum eins og raun bar
vitni og sagt er nánar frá á öðrum stað í heftinu.
Loks fór þó svo að deilur voru úrskurðaðar með atkvæðagreiðslu
svo sem venja er til á lýðræðissamkundum, mál afgreidd og sam-
bandsstjórn kosin, til að hafa forystu um framkvæmd þeirra mála,
er þingið hafði fjallað um og afgreitt. — Og því ber að fagna, að
þessi mál voru ekki aðeins afgreidd með meirihluta, öll þessi brýnu
hagsmunamál verkalýðsins fengu afgreiðslu með einróma samþvkki
f jölmennasta þings í sögu íslenzkra verkalýðssamtaka, og þar greiddu
atkvæði hlið við hlið jafnt þeir fulltrúar, er skipuðu sér fyrir skammri
stundu til hægri sem hinir, er vinstramegin stóðu. Þannig lauk harð-
vítugri viðureign með samstilling um mál, sem mestu þóttu skipta
og allir heiðarlegir verkalýðsfulltrúar gátu verið sammála um; sam-
eiginleg hagsmunamál alls verkalýðs, án tillits til stjórnmálaskoðana.
Og hvað er svo það, sem allir greiddu atkvæði og allir voru sam-
mála um að gera skuli. — Það var m. a. þetta:
Barizt skal „jöfnum höndum“, eins og það er orðað, fyrir hækk-
uðum launuin og auknum kaupmætti þeirra með verðlækkunum“.
Barizt skal fyrir því, „að sama kaup verði greitt fyrir sömu vinnu,
hvar sem hún er unnin á landinu“. Og hafin skal ötul barátta „fyrir
sama kaupi kvenna og karla“.
„ ... atvinnumál landsins sem heild skulu tekin til gaumgæfilegrar
athugunar með það fyrir augum að efla atvinnuvegina og tryggja
örugga og næga atvinnu við þjóðholl störf...“ Bent er jafnframt á
knýjandi verkefni og möguleika til atvinnusköpunar á tilgreindum
stöðum í öllum landsfjórðungum o. s. frv.
200
VINNAN og verkalýðurinn