Vinnan og verkalýðurinn - 15.12.1954, Blaðsíða 41

að nú á seinni árum hafi hún jafnan
staðið í fremstu röð þegar til átaka
hefur komið um kjörin.
Björn Bjarnason núverandi for-
maður félagsins hefur gengt for-
mannsstarfi í félaginu manna lengst
eða í meira en áratug og setið í stjórn
frá stofnfundi fram á þennan dag, að
undanskildu einu ári, sem hann
átti þó sæti í trúnaðarmannaráði.
Hann var ritari félagsins í fyrstu
stjórn þess og jafnan þegar hann skip-
aði ekki formannssæti í stjórn. •—
Iðja var á tímabili svipt réttindum í
ASI, en er nú að nýju sambandsfélag.
Sigurbjörn
Knúdsen
Iðja gerir nýja
samninga
Iðja, félag verksmiðjufólks í Rvík
og Félag ísl. iðnrekenda hafa gert
nokkrar breytingar á kjarasamning-
um milli félaganna. Með hinum nýja
samningi hækkar kaup kvenna er
unnið hafa eitt ár eða lengur um rúm-
lega 9% og kaup annarra kvenna og
unglinga nokkru minna. Karlmenn
sem unnið hafa 4 ár hjá sama fyrir-
tæki fengu einnig 9% grunnkaups-
hækkun. Þá er í hinum nýa samningi
ákvæði um vaktavinnu, ef unnin er
alla daga, þá skal kaup greitt með
35% álagi. Veigamesta breytingin er
sú, að ákvæðisvinna er því aðeins
heimil að atvinnurekendur hafi náð
um það samkomulagi við starfsfólk
sitt og þegar ákvæðisvinnumaður hef-
ur starfað að ákvæðisvinnu í eitt ár,
má hann aldrei bera minna úr býtum
en 20% um fram hæsta mánaðarkaup.
Með þessu ákvæði ættu hinar sífelldu
deilur um einstaka ákvæðisvinnu
taxta að vera úr sögunni.
\
v --
VINNAN og verkalýðurinn
223