Börn og menning - 2024, Blaðsíða 38

36
b&m
Hrekkjavökugleði. Fremst á mynd er Jakob Steinsen
í hlutverki bekkjarfélaga Fíusólar.
Mynd: Íris Dögg Einarsdóttir.
Aðferðir leikhússins geta virst framandi í augum
ungra barna með mismikla leikhúsreynslu og sex ára
sonur minn nefndi nokkur atriði sem komu honum
skringilega fyrir sjónir – eins og skrautlegt útlit fyr-
irferðarmikillar leikmyndarinnar, sem gagnrýnandi
Hugrásar sagði minna á hoppukastala, og það að
Fíasól leikritsins skyldi – ólíkt Fíusól í bókunum –
vera gædd þeim ofurkrafti að geta gefið besta vini
sínum Ingólfi Gauki innsýn í liðna atburði með því
að klappa lófunum. Sú skýring mín að þarna væru
einfaldlega leikhústöfrar að verki var þó tekin góð
og gild.
Skyldleiki við Línu en einnig mikill
frumleiki
Eins og ýmsir gagnrýnendur hafa bent á minnir
Fía sól um sumt á Línu Langsokk, og Kristín Helga
höfundur bókanna og Þórunn Arna leikstjóri hafa
reyndar lýst yfir mikilli aðdáun á Línu í viðtali
– en Fíasól er þó fyrst og fremst hún sjálf. Þegar
Kristín Helga hlaut Sögusteinsverðlaun IBBY á Ís-
landi árið 2009 var það mat valnefndar að í Fíu-
sól hefði Kristín Helga „skapað persónu sem er ís-
lensk, sjálfstæð, skapandi og frumleg en um leið
afar trúverðug“. Í sýningunni komast sjálfstæði og
frumleiki söguhetjunnar skýrt til skila og ákveðni
Fíusólar, réttsýni og sköpunarkraftur ná hámarki í
stofnun Hjálparsveitar barna og baráttu hennar fyrir
auknum réttindum barna í nærumhverfinu. Í fyrstu
vill hún hjálpa þolendum hinna svonefndu tudda,
nokkurra krakka í bekknum, en það kemur á dag-