Ársskýrsla Kvennasögusafns Íslands ... - 31.12.1975, Blaðsíða 40

Ársskýrsla Kvennasögusafns Íslands ... - 31.12.1975, Blaðsíða 40
37 1975 í Neskaupstað í aprílmánuði var ráðstefna um kjör kvenna í sjávar- þorpum og til sveita. Aðalráðstefna kvennaársins var haldin á vegum nefndanna, sem settar voru á stofn 1974. Ráðstefnan var formlega sett á hátíðafundi kvennaársins í Háskólabíoi 14. juní, en sjálf ráðstefnan var haldin 20.-21. júní á Hotel Loftleiðum. Fjöldamargar samþykktir komu frá ráðstefnunni. Ein þeirra var áskorun til kvenna um að taka sér frí frá störfum á degi Sameinuðu þjóðanna 24. október 1975 til að sýna fram á mikilvægi starfa sinna. (Allar áskoranir og ályktanir ráðstefnunnar, svo og niðurstöður starfshópa voru fjölritaðar. Til í Kvennasögusafni íslands). Mikill fjöldi "kvennaársfunda" var haldinn um land allt, hjá hóraðs- samböndum kvenfélaga, einstökum kvenfélögum og jafnvel hjá félögum karla. Sumir fundanna voru venjulegir umræðufundir, en aðrir ha- txðafundir með ræðuhöldum og alvöruþrungnum skemmtiatriðum. Alþjóðakvennadaginn 8. mars héldu Menningar- og friðarsamtök íslenskra kvenna hátíðlegan í Norræna húsinu. Á dagskránni var m.a. þáttur, sem bar heitið: "Konan sem hvarf", en það voru brot úr íslenskum bókmenntum síðasta áratugs. Hatíðafundur kvennaársins var haldinn í Háskólabíói 14. júní 1975. Ræðumaður var Eva Kolstad frá Noregi. (Ræðan er í Húsfreyjunni, 3. tbl. 1975). Eitt dagskráratriða var um vinnandi konur á íslandi fyrr og nú: "Stóðu meyjar að meginverkum". Þessi þáttur, og eins "Konan sem hvarf", var fluttur af leikurum, en háskólanemar tóku þá báða saman. Þátturinn "Stóðu meyjar að meginverkum” var fluttur í útvarpinu sunnudaginn 18. október 1975. (Ljósrit af þættinum er til í Kvennasögusafni íslands). Helvi Sipila, aðalframkvæmdastjóri alþjóðakvennaársins á vegum Sameinuðu þjóðanna, talaði á fundi í Norræna húsinu í ágústmánuði. Kvennaársráðstefna á vegum Alþýðusambands íslands og Bandalags starfsmanna ríkis og bæja var haldin í Munaðarnesi í Borgarfirði 26.-28. september 1975. (Ötdrættir úr erindum og önnur fjölrituð plögg frá ráðstefnunni eru til í Kvennasögusafni íslands). Á vegum Sameinuðu þjóðanna var ráðstefna haldin í Mexikó í júní- mánuði. íslenska ríkisstjórnin sendi þrjá fulltrúa, sem tilnefndir voru af ríkisskipuðu kvennaársnefndinni: Auði Auðuns, Sigríði Thorlacius og Vilborgu Harðardóttur. í Austur-Berlín var önnur alþjóðaráðstefna haldin í tilefni kvenna- ársins. Þessi ráðstefna var opin félagasamtökum og einstaklingum. Frá íslandi fóru fimm konixr á vegum Menningar- og friðarsamtaka íslenskra kvenna og fleiri félaga. Helvi Sipila flutti ávarp á báðum ráðstefnunum. Sýningar í tilefni, kvennaársins; 1975 Á yegum Norræna hússins, Félags íslenskra myndlistarmanna og Menn- ingar- og friðarsamtaka íslenskra kvenna var sýning í marsmánuði á margs konar listaverkum kvenna, . "Listiðja í dagsins. önn - Kvennavinna", var heiti farandsýningar á munum og klæðnaði frá Færeyjum, Grænlandi, íslandi, Álandi og frá Sömum. Samstarfsnefnd íslensku kvennasamtakanna átti frumkvæði að því að halda sýninguna, en hún var gerð á kostnað norræna menningarsjóðsins og með' styrk frá menntamálaráðuneytinu. Sýn- ingin var fyrst sett upp í Reykjavík, en síðan í Neskaupstað, Egilsstöðum, Akureyri, ísafirði og Patreksfirði, áður en hún var send til hinna landannaj Listasafn íslands hafðiiallt sumarið 1975 sýningu á þeim lista- verkum kvenna, sem til voru í eigu þess. Margar aðrar sýningar með listaverkum kvenna (bæði einkasýningar og samsýningar) voru haídnar á árinu, t.d. á verkum Eyborgar Guðmunds-

x

Ársskýrsla Kvennasögusafns Íslands ...

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Ársskýrsla Kvennasögusafns Íslands ...
https://timarit.is/publication/1997

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.