Ný kynslóð - 23.06.1968, Blaðsíða 4

Ný kynslóð - 23.06.1968, Blaðsíða 4
4 NÝ KYNSLÓÐ Obundnir af Nú er loksins gengið til kosninga hér á landi, þar sem stjórnmála- flokkarnir eru ekki alls ráðandi. Hinn 30. júní nk. ganga íslending- ar að kjörborðinu til að velja for- seta lýðveldisins. Allir stjórnmála- flokkarnir hafa lýst því yfir, að þeir styðji hvorugan frambjóðand- ann og fylgismenn þeirra séu þess vegna algjörlega óbundnir. Við getum fagnað því, að nú er okkur gefinn kostur á að velja forsetann án tillits til stjórnmálaskoðana og láta mannkosti og hæfileika iráða vali okkar. Nú hefur sá furðulegi áróður verið nokkuð hafðir í frammi, að okkur fylgismönnum Sjálfstæðis- flokksins beri að styðja frekar ann- an frambjóðandann, en ég vil minna á, að strax í upphafi kosn- ingabaráttunnar lýsti Sjálfstæðis- flokkurinn því yfir, að flokkurinn sem slíkur tæki enga afstöðu til forsetakjörs, enda nýtur dr. Krist- ján Eldjárn ekki síður stuðnings Sjálístæðismanna en annarra. Við stuðningsmenn dr. Kristjáns viljum lyfta kosningabaráttunni upp úr dægurþrasi stjórnmálanna. ílokksviðjum Dr. Kristján Eldjárn nýtur virð- ingar og trausts manna og kvenna úr öllum stéttum og flokkum. Við stefnum að því að láta drengskap og göfugmennsku vera meginstoð- ir undir kosningabaráttunni. Dr. Kristján Eldjárn er þaul- kunnugur sögu íslenzku þjóðar- innar fyrr og síðar. Hann er manna líklegastur til þess að láta ferskan blæ lcika um þetta virðulegasta embætti þjóðarinnar. Fylkjum okkur undir merki Kristjáns Eld- járns og gerum sigur hans sem glæsilegastan. Magnús Gunnarsson. A fjórða þúsund manns á kosningaháííð Ungir stuðningsmenn Kristjáns Eldjárns héldu kosningahátíð í Ilá- skólabíói sunnudaginn 16. júní sl. Kosningahátíðin var langfjölmenn- asti mannfagnaður, sem haldinn hefur verið í bíóinu. Setið var í öllum sætum og staðið í hverju skoti um allt húsið, bæði í salnum og anddyri. Fjöldi fólks varð frá að hverfa, þar sem það komst ekki inn í húsið, en nokkur hundruð manna stóðu fyrir framan húsið allan fundartímann, og hlýddu á það, sem fram fór í hátölurum, sem komið hafði verið fyrir utan á húsinu. Það er samróma álit þeirra, sem bezt þekkja til Háskóla- bíós, að á hátíðina hafi komið hátt í 4000 manns. Fjölmargir þjóðkunnir listamenn skemmtu á hátíðinni, og fi'mm fulltrúar ungu kynslóðarinnar fluttu stutt ávörp. Var máli alla þeirra mjög vel tekið. Að lokum ávarpaði Kristján Eldjárn hátíðina, og síðan hylltu viðstaddir hjónin Halldóru og Kristján Eldjárn með langvarandi lófataki. Það er einróma álit þeirra, sem hátíðina sóttu, að hún hefði farið mjög vel fram, og allur málflutningur þar verið hinn hófsamlegasti. Sameiningarfákn Er Kristján Eldjárn gaf kost á sér til forsetakjörs vakti það verðskuldaða athygli, einkum meðal æskunnar. Þegar er ljóst að hann nýtur óskoraðs stuðnings unga fólksins. Skömmu eftir að framboð Ivristjáns var tilkynnt lcomu ungir menn úr öllum stéttum og stjórnmálasamtökum sam- an á fund til að leggja á ráðin um, hvernig æskan gæti stuðlað bezt að sigri Kristjáns Eldjárns í kosningunum 30. júní. Æskulýðsnefnd var komið á fót í Reykjavík og víða úti á landi eru starfandi hópar ungs fólks við að skipu- leggja kosningabaráttuna, hver á sínu sviði. I upphafi kosningabaráttunnar gaf æskulýðsnefndin út kynningar- bréf um forsetaefni unga fólksins, Kristján Eldjárn, sem dreift var um allt land. Auk þessarar blaðaútgáfu efndi æskulýðsnefndin til kosningahátíðar í Háskólabíói síðast- liðinn sunnudag. Æskulýðsnefndin lítur svo á, að æskan hafi úrslitavald- ið í þessum kosningum. Lækkun kosningaaldursins í 20 ár ætti að vera æskunni hvatning til að nota kosninga- réttinn 30. júní. Ungt fólk á aldinum 20—37 ára fær nú í fyrsta sinn að velja þjóðinni forseta. Það er ómótmælan- leg staðreynd, að æskan í dag kýs fremur að með embætti forseta íslands fari maður, sem er hafinn yfir dægurþras stjórnmálaflokkanna. Forsetaframbjóðandi, sem verið hef- ur varaformaður og ráðherra fyrir stjórnmálaflokk upp- fyllir ekki slík skilyrði. Kristján Eldjárn hefur aftur á móti ekki verið bundinn í flokkspólitískum samtökum og getur því með sanni orðið sameiningartákn þjóðarinnar. Æskan kýs fremur að ferskur blær leiki um embættið á Bessastöð- um og slíkt verður aðeins tryggt með kosningu Kristjáns Eldjárns. Markmið okkar er að gera forsetaefni unga fólksins — Kristján Eldjárn — að húsbónda á Bessastöðum. Otul barátta hvers æskumanns á sínum stað getur tryggt sigur. Kosningasigur vinnst ekki með yfidrepskap, peningaaustri og sýndarmennsku, heldur með hóflegri og drengilegri bar- áttu sérhvers stuðningsmanns Kristjáns Eldjárns. ÆskulýSsnefndin heitir á æskuna í dag a3 tryggja þjóðinni á morgun verðugt sameiningartákn — með kosningu Kristjáns Eldjárns í forsetakosningunum 30. júní. Grétar Snær Hjaltason, skrifstofum. Gunnar Bjarnason, leikmyndasmiður Gunnlaugur Claessen, stud. jur. Helgi Guðmundsson, trésmiður Ingi B. Arsælsson, stjórnarráðsfulltr. Kristján Þorgeirsson, bifreiðarstjóri Magnús Gunnarsson, stud oecon. Olafur Einarsson, stud. mag. Sigurður Geirdal, verzlunarmaður Sigurður Magnússon, iðnnemi Vilmar Pedersen, útvarpsvirki Þór Whitehead, stud. phil.

x

Ný kynslóð

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Ný kynslóð
https://timarit.is/publication/1998

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.