LEB blaðið - 01.04.2019, Blaðsíða 4

4 l a n d s s a m b a n d e l d r i b o r g a r a - a p r í l 2 0 1 9
L andssamband eldri borgara fagnar í ár 30 ára
afmæli sínu. Aðildarfélög LEB eru 54, víðs
vegar um landið, með um 27 þúsund félaga.
Og fer fjölgandi. Starf félaganna er mjög öflugt og
fjölbreytt.
Fyrir málstað okkar eldri borgara skiptir öllu að
hafa Landssamband eldri borgara. Við þurfum að
hafa einn sameiginlegan talsmann til að ræða við
stjórnvöld um baráttu og hagsmunamál okkar.
Stjórnvöld óska eftir fundum með fulltrúum LEB
og einnig er óskað eftir umsögnum LEB um einstök
frumvörp, sem varða hagsmuni okkar.
LEB vinnur að því að koma sjónarmiðum okkar á
framfæri með greinarskrifum, auglýsingum og frétt-
um á heimasíðu. Einnig er félögum sendur mánaðar-
lega tölvupóstur með nýjustu fréttum af starfinu.
Í gegnum 30 ára sögu okkar hefur margt áunnist til
að bæta réttindi eldri borgara og vissulega eru kjör
margra betri.
Fjölbreytileiki í félagsstarfi og uppbygging fjölda
félaga á þessum 30 árum er mjög mikilvæg og bætir
líðan margra eldri borgara. Síðan hafa mörg ný
baráttumál verið sett á oddinn til að bæta hag og
líðan fólks. Má þar nefna hreyfingarátak í mörgum
sveitarfélögum sem á sinn þátt í batnandi heilsu á
efri árum.
En baráttunni er ekki lokið. LEB hefur lagt höfuð-
áherslu á það gagnvart ríkisvaldinu að enn sé stór
hópur eldri borgara sem þarf að lifa við kjör sem eru
undir framfærsluviðmiðun velferðarráðuneytisins. Það
ástand er með öllu ólíðandi.
Við getum ekki sætt okkur við að greiðslur
Tryggingastofnunar hækki um 3,6% á meðan toppar
þjóðfélagsins fá 40-80% hækkun á sínum launum.
LEB telur nauðsynlegt að vinna að því að þær miklu
skerðingar, sem ríkisvaldið leggur á eldri borgara sem
vilja og geta unnið, hverfi með öllu í áföngum. Það sama
á einnig við um greiðslur úr lífeyrissjóðum. Þar eru
skerðingar allt of miklar. Jaðarskattar og hindranir eiga
að hverfa því allt skilar þetta sér til baka. Mikill munur
er á efnahag og velferð innan raða eldra fólks. Ójöfnuð-
urinn endar ekki þó fólk eldist. Það er mikill vandi.
Starf LEB er mjög öflugt en þarf á næstu misserum að
verða enn öflugra. Það gerist ekki nema að LEB verði
tryggt aukið fjármagn til að geta ráðið til sín starfsfólk
til að sjá um daglegan rekstur.
Eldri borgurum fer mjög fjölgandi á næstu árum. Það
skiptir því öllu að okkur takist að efla enn frekar starf
okkar. Að því þurfum við öll að vinna.
Þórunn Sveinbjörnsdóttir, formaður LEB
Sigurður Jónsson, varaformaður LEB
Baráttan heldur áfram