LEB blaðið - 01.04.2019, Blaðsíða 12

1 2 l a n d s s a m b a n d e l d r i b o r g a r a - a p r í l 2 0 1 9
ar þurfi. Ef við hins vegar greiðum
þeim lífeyri almannatrygginga sem
geta bjargað sér á vinnumarkaði
og hafa lífeyrissjóðstekjur að auki
mun það ganga gegn möguleikum
okkar til að styðja þá sem mest
þurfa á aðstoð að halda.“
– Fullyrt er, og vísað meðal
annars í gögn frá OECD, að ekki
þekkist nema á Íslandi að lífeyris-
tekjur séu skattlagðar af mun meira
kappi en atvinnutekjur og að eldri
borgarar sæti því að borga skatt af
tekjum sínum líkt og aðrir en svo
annan skatt í formi skerðingar.
„Ég ætla að leyfa mér að svara
með því að segja að ef bornar eru
saman ráðstöfunartekjur eldri
borgara í OECD kemur Ísland þar
ágætlega út í samanburði. Það er
sú niðurstaða sem hlýtur að skipta
máli.“
– Útgreiðslur séreignar skerða
ekki greiðslur frá Tryggingastofn-
un líkt og lífeyrir úr samtryggingu
lífeyrissjóðanna. Finnst þér ekki að
jöfnuður eigi að ríkja í kerfinu að
þessu leyti?
„Séreignarkerfið er afar vel
heppnað og hefur fyrir löngu
farið fram úr væntingum. Hluti
hvatans til að leggja í séreign
er einmitt að hún leiðir ekki til
skerðingar. Áhrifin af þessu eru
þjóðhagslega mjög jákvæð. Það
eru líka til staðar almenn frí-
tekjumörk sem ná til greiðslna
úr samtryggingunni sem mætti
frekar skoða að hækka.“
– Hvaða skref viltu stíga og
hvenær til að fleiri fái tækifæri til
sveigjanlegra starfsloka án þess að
lífeyrisréttindi skerðist?
„Stórt er spurt en viðfangsefnið
er mikilvægt. Ég tek auðvitað eftir
því að víða í samfélaginu lýsir fólk
vilja sínum til að vinna lengur
en lög gera ráð fyrir. Það gerist á
sama tíma og lífaldur hækkar. Ef
ég lít mér næst þá eru foreldrar
mínir komnir yfir áttrætt og mjög
sprækir. Það voru foreldrar þeirra
hins vegar ekki á svipuðum aldri.
Þjóðin eldist með öðrum orðum
og margir halda góðri heilsu langt
fram á efri ár, sem betur fer.
Ég vil gjarnan ræða málið í víðu
samhengi, því samhliða sveigjan-
legum starfslokum þarf að endur-
skoða sjálfan lífeyristökualdur-
inn. Ef við horfumst seint eða alls
ekki í augu við þá staðreynd að
hækkandi lífaldur leggur sífellt
meiri byrðar á lífeyrissjóðina mun
það bitna á ungu fólki sem er að
fara út á vinnumarkaðinn og byrja
að borga inn í eftirlaunakerfið.
Okkar bíður því mjög mikilvæg
umræða um hvoru tveggja, hækk-
un lífeyrisaldurs og sveigjanleg
starfslok, þannig að fólk hafi val.
Mér virðist samt að sameigin-
legur skilningur sé að myndast
á því að lífeyrisaldur verði að
hækka um nokkur ár á næstu tíu
til tuttugu árum.“
– Lætur þú sjálfur hugann reika
til efri áranna og tímans sem tekur
við eftir stjórnmálin?
„Já, reyndar geri ég það þótt
ég verði ekki fimmtugur fyrr en
á næsta ári! Það vill nú svo til að
í morgun kannaði ég hvenær ég
lyki við að borga húsnæðislánið
mitt og fyrir skömmu kannaði ég
lífeyrisréttindin mín í Lífeyris-
gáttinni. Þar sá ég á einum stað
lífeyrisréttindin mín, jafnvel
réttindi sem sumarvinna á náms-
árum skilaði.
Vel á minnst, lifeyrisgattin.is
er frábærlega vel gert tól og
notadrjúgt. Lífeyrissjóðakerfið á
þakkir skildar fyrir að hafa búið
það til.“
Þar með var samtalinu lokið og
ráðherrann hraðaði sér í þingsal.
Skömmu síðar brast á orðasenna
hans við Pírata. Það heita víst
stjórnmál líka.
„Mér virðist samt að sameiginlegur skilningur sé að myndast á því að lífeyrisaldur verði að hækka um
nokkur ár á næstu tíu til tuttugu árum,“ segir Bjarni í viðtali við Atla Rúnar Halldórsson fyrir LEB blaðið.
„ Já, reyndar geri ég það
þótt ég verði ekki fimmtugur
fyrr en á næsta ári! Það
vill nú svo til að í morgun
kannaði ég hvenær ég lyki
við að borga húsnæðislánið
mitt og fyrir skömmu kannaði
ég lífeyrisréttindin mín í
Lífeyrisgáttinni.