LEB blaðið - 01.04.2019, Blaðsíða 26

2 6 l a n d s s a m b a n d e l d r i b o r g a r a - a p r í l 2 0 1 9
Kveðjur til leB á 30 ára afmælinu
Starfið í
félögunum
geysilega öflugt
Guðrún Ágústsdóttir hefur verið ráðin til að aðstoða
Þórunni Sveinbjörnsdóttur, formann landssambandsins,
við ákveðin verkefni, en Þórunn hefur undanfarin tvö ár
verið eini starfsmaðurinn á skrifstofu sambandsins.
Guðrún á að baki fjölbreyttan feril. Hún var ritari í
Hjúkrunarskóla Íslands um árabil, tók þátt í stofnun
Rauðsokkahreyfingarinnar á sínum tíma og starfaði um
skeið í Kvennaathvarfinu. Hún var um árabil borgar-
fulltrúi í Reykjavík og forseti borgarstjórnar í fimm ár,
þangað til hún flutti til útlanda. Guðrún var formaður
Öldrunarráðs Reykjavíkur á síðasta kjörtímabili.
Guðrún, sem er núna skógræktar- og æðarbóndi í
Reykhólasveit, segir það kannski helst hafa komið sér
á óvart hjá landssambandinu hvað þetta eru fjölmenn
samtök og hvað starfið í félögunum úti um landið sé
líflegt. „Það er mikið í gangi alls staðar og starfið geysi-
lega öflugt,“ segir hún.
Eftirlaunafólki fjölgar
um 73% á næstu 20 árum
n Þó að Íslendingar séu ung þjóð samanborið við ýmsar aðrar Evrópu-
þjóðir, eldist hún eins og þær. Þeir sem eru sextugir og eldri hér á landi
telja nú um 70.500 manns. Á næstu 20 árum mun þeim fjölga um 52%,
sem þýðir að rúmlega 37.000 manns bætast í hópinn. Hér er þessi
aldurshópur tilgreindur vegna þess að innganga nýrra félaga í Félög
eldri borgara miðast við þá sem eru orðnir sextugir. Svipað er upp á
teningnum þegar fjöldi þeirra sem nú eru komnir á eftirlaunaaldur er
skoðaður. Þeir eru núna tæplega 44.000, en verða 75.600 eftir 20 ár,
árið 2039, sem er tæplega 73% fjölgun.
fRétttiR
Guðrún Ágústsdóttir