LEB blaðið - 01.04.2019, Blaðsíða 27

l a n d s s a m b a n d e l d r i b o r g a r a - a p r í l 2 0 1 9 2 7
Kveðjur til leB á 30 ára afmælinu
Ný heimasíða LEB
n Ný heimasíða LEB er nú komin upp og er virkilega fín. Við fengum
styrk frá velferðarráðuneytinu til að taka heimasíðuna okkar í gegn.
Sú gamla var lúin og þreytt og illa varin fyrir hökkurum. Verulegrar
andlitslyftingar var þörf.
„Við fengum Atla Rúnar Halldórsson sem er þekktur fyrir störf
sín að kynningarmálum til verksins, en Atli Rúnar kemur að fleiri
verkefnum hjá okkur. Hann tekur m.a. viðtöl og setur efni inn á
síðuna. Aðalvandinn við heimasíður er að hafa þær lifandi og að þar
séu ævinlega góðar upplýsingar fyrir félögin í LEB og líka fjölmiðla.
Reynsla vinafélaga okkar erlendis er að heimasíðan og Facebook
skipti æ meira máli því þar er hægt að miðla upplýsingum frá degi til
dags,“ segir Þórunn Sveinbjörnsdóttir formaður Landssambandsins.
Heimasíðan verður efld eftir bestu getu og þiggjum við gjarnan
fréttir af félagsstarfi frá félögum innan LEB um allt land.
Grái herinn
í mál vegna
skerðinganna
Grái herinn hefur hafið undirbúning að því að höfða mál gegn
ríkinu, til að fá úr því skorið hvort skerðingarákvæði almanna-
trygginga á kjörum eftirlaunafólks standast stjórnarskrá. Það
er lögmaðurinn Daníel Isebarn Ágústsson sem vinnur að undir-
búningi málsins, en Grái herinn mun safna fé til að standa
straum af málskostnaði. Verið er að ganga frá stofnun styrktar-
sjóðs eða málsóknarsjóðs í því skyni. Nokkrir aðilar hafa þegar
gefið vilyrði fyrir fé. Verslunarmannafélag Reykjavíkur leggur
fram eina milljón króna og Verkalýðsfélagið Framsýn á Húsavík
100 þúsund krónur. Félag eldri borgara í Reykjavík hefur sam-
þykkt að gerast stofnaðili að sjóðnum og leggja til 500 þúsund
krónur og Félag málmiðnaðarmanna á Akureyri samþykkti
nýlega að leggja til 200 þúsund krónur. Ætlunin er að safna fé
meðal einstaklinga og félaga, þegar skýrari línur verða komnar
í það hvernig að málshöfðuninni verður staðið og stofnun
málsóknarsjóðsins er frágengin.