LEB blaðið - 01.04.2019, Blaðsíða 36

3 6 l a n d s s a m b a n d e l d r i b o r g a r a - a p r í l 2 0 1 9
lEB 30 áRA 1989-2019
Formenn aðildarfélaga
Landssambands eldri
borgara eru sammála um
að Landssambandið gegni mikil-
vægu hlutverki í réttindabaráttu
eldra fólks. „Landssambandið er
styrkur og hvatning félögunum
sem starfa um allt land. Sumum
félögum verður það alltaf meiri
styrkur en öðrum þar sem félögin
eru misstór og -öflug fyrir. Samskipti
við landssambandið eru mikilvæg
fyrir félögin. Með góðu og nánu
sambandi, miðlun á efni og
upplýsingum til félaga um stöðu
mála hverju sinni, hvetur það til
frekari meðvitundar um málefn-
in, umræðu og niðurstöðu,“ segir
Valgerður Sigurðardóttir, formaður
Félags eldri borgara í Hafnarfirði.
„LEB vinnur að hagsmunagæslu
félaga sinna á breiðum grundvelli,
bæði gagnvart ríki og sveitarfélög-
um. Þar ber hæst kröfu um annars
vegar bætta aðstöðu í hjúkrunar- og
dvalarheimilum ásamt því að nægt
framboð verði á húsnæði sem hent-
ar öldruðum. Þá er rétt að benda á
að eldri borgarar hafa hvorki verk-
fallsrétt né samningsrétt um kjör
sín. Þess vegna veltur það á miklu
að þannig sé haldið á málum að al-
menningur og þá ríkisvaldið telji rétt
og skylt að eldri borgarar hafi samb-
ærilegar tekjur og aðrir hópar samfé-
lagsins og að enginn þurfi að líða
skort á ævikvöldinu,“ segir Haukur
Halldórsson, formaður Félags eldri
borgara á Akureyri.
„Landssambandið hefur mikla
þýðingu til að yfirfara og fylgjast
með og hafa eftirlit með þeim
lögum og reglugerðum sem varða
eldri borgara og Alþingi setur. Það
þarf að fylgja vel eftir öllum málum
er varða okkar réttindi og eins að
koma því til okkar á mannamáli,“
segir Gyða Vigfúsdóttir, formaður
Félags eldri borgara á Egilsstöðum.
Þorsteinn Sigurðsson, formaður
Félags eldri borgara í Stykkishólmi,
segir að LEB stuðli að sameiningu
eldri borgara um land allt. Það verji
hagsmuni eldra fólks og fari með
málefni eldri borgara gagnvart hinu
opinbera svo sem Sjúkratrygging-
um og TR. Gyða segir að LEB hafi
hlutverki að gegna þegar kemur
að gerð kynningar- og fræðsluefn-
is, eins og t.d. þáttanna sem sýndir
voru á Hringbraut.
„Allt efni sem kemur í sjónvarpi
nær mjög vel til okkar aldurs-
hóps. Blaðið Listin að lifa er einnig
mjög gott blað og er lesið upp
til agna þegar það berst inn um
bréfalúguna. Ég veit að margir
bíða eftir næsta blaði og hafa
jafnvel gengið í félagið til að fá
blaðið,“ segir hún. Þorsteinn er
ánægður með auglýsingaherferð
Gráa hersins. „Þar sést hvað við
getum, og mörg okkar erum enn
fullfær á almennum vinnumarkaði.
Auglýsingarnar eru skemmtileg
áminning um að við kunnum
ýmislegt þó gömul séum og getum
verið fullnýtir þjóðfélagsþegnar.“
Öll eru þau sammála um að
hlutverk LEB verði mikilvægt í
framtíðinni þótt það kunni að
breytast í takt við breytta tíma.
„Framtíð Landssambands eldri
borgara byggir á nútíðinni þar sem
baráttan fyrir bættum lífskjörum er
í forgrunni,“ segir Valgerður. Hauk-
ur telur að LEB muni gegna enn
mikilvægara hlutverki í framtíðinni
en í dag. „Margir telja að fjórða
iðnbyltingin sé fram undan, og víst
er að hún mun ekki fara fram hjá
garði aldraðra, því verða þeir að
búa sig undir hana eins og aðrir.
Væntanlega mun hún framkalla
hækkun meðalaldurs og meiri
frítíma. Þar mun velferðartækni
í ýmsum myndum halda innreið
sína með sífellt meiri kröfu um
tölvulæsi, þar verður verk að vinna
LEB gegnir
mikilvægu hlutverki