LEB blaðið - 01.04.2019, Blaðsíða 38

3 8 l a n d s s a m b a n d e l d r i b o r g a r a - a p r í l 2 0 1 9
tölum af
virðingu hvert
um annað
Hvernig tölum við um þá sem eldri eru? Staða hópa í
samfélaginu ræðst af því hvernig talað er um þá. Að
því leyti skipta blæbrigði tungumálsins miklu máli. Við
tölum um ellilífeyrisþega. Ellilífeyrisþegar eru gamalt fólk
sem þiggur framfærslu frá hinu opinbera og í því felst
neikvæðni. Ellilífeyrisþegi er einfaldlega eftirlaunamaður
og í stað þess að klifa sífellt á að einhver sé ellilífeyrisþegi
ætti að nota orðið eftirlaunamaður. Það er sá sem hefur
unnið sér inn rétt til launa eftir að viðkomandi hefur látið
af störfum vegna aldurs.
Að einhver sé kallaður aldraður felur í sér að hann
sé orðinn gamall og sjúkur. Ekki að viðkomandi hafi
safnað visku og þekkingu á lífsins göngu og það beri að
virða hann fyrir það.
Það er líka mjög oft talað um að hinn eða þessi sé svo
unglegur. Hvað er nákvæmlega átt við með því? Stutta
svarið er að það sé eftirsóknarvert að vera ungur en
slæmt að vera gamall.
Eldra fólk er oft og tíðum barngert, hver hefur ekki
heyrt setningar á borð við afi og amma eru svo krúttleg?
Smábörn og hundar eru krúttleg, ekki eldra fólk.
Við tölum um mæður okkar og mærum þær gjarnan.
Að því loknu gerum við grín að tæknikunnáttu þeirra,
hvað þær séu nú klaufalegar í tölvunni og að þær geti
ómögulega lært á nýjustu snjallsímana. Það er sem
sagt verið að festa í sessi staðalímynd sem veldur því
að eldra fólk á erfitt með að fá vinnu þrátt fyrir að
starfshæfni þess sé óskert. Eldra fólk fæddist kannski
ekki með snjallsíma í höndum en getur vel tileinkað
sér notkun hans. Hættið að gera grín að tæknigetu
eldra fólks. Vöndum okkur og tölum af virðingu hvert
um annað.
Umsókn í bundnu máli
n Öll félög eldri borgara á höfuðborgarsvæðinu hafa þá sögu að segja
að það fjölgar mikið hjá þeim. Sumir segja að nýir félagar bætist við á
nánast hverjum degi, en það er ósennilegt að margar umsóknir séu í
bundnu máli. Ingjaldur Ásvaldsson umsækjandi um aðild að Garðabæjar-
félaginu sendi hins vegar eftirfarandi vísu með umsókninni sinni.
Ýtist sál mín elli nær,
aldurs þaninn strengur.
Óskin mín um aðild fær,
ekki beðið lengur.
fRétttiR