LEB blaðið - 01.04.2019, Blaðsíða 41

l a n d s s a m b a n d e l d r i b o r g a r a - a p r í l 2 0 1 9 4 1
Kveðjur til leB á 30 ára afmælinu
Þann 1. október 2018 tóku gildi
ný og breytt ákvæði laga um
félagsþjónustu sveitarfélaga sem
hafa þau áhrif í för með sér að
öldungaráð landsins munu hafa
stærra hlutverk en áður. Öldunga-
ráð verða þannig skipuð að
sveitarstjórn skipar þrjá fulltrúa
og jafn marga varamenn, þrír eru
tilnefndir af félagi eldri borgara
í sveitarfélaginu og jafn margir
varamenn. Einnig verður sú
breyting að fulltrúi frá heilsugæslu
hvers sveitarfélags verður meðlim-
ur í ráðinu þannig að ráðið munu
skipa 7 fulltrúar. Soffía segir að sú
breyting sé það ný af nálinni að
ekki sé komin full reynsla á hverju
hún muni skila. Það sé þó ljóst að
hlutverk ráðanna verði veigameira
við þessa breytingu.
Soffía segir að samkvæmt
könnun sem var gerð á vegum
Sambands íslenskra sveitarfélaga
árið 2016 hafi verið starfandi
öldungaráð í 23 sveitarfélögum
af 74 hér á landi. Í þeim sveitar-
félögum þar sem öldungaráð eru
starfandi búa um 70 prósent allra
landsmanna. Það var í framhaldi
af þessari könnun sem Landssam-
band eldri borgara vildi láta gera
viðameiri rannsókn á öldunga-
ráðunum og hlutverki þeirra.
Soffía segir að starfsemi
ráðanna sé nokkuð misjöfn eftir
sveitarfélögum og sveitarstjórnir
komnar mislangt með að nýta sér
þau tækifæri sem ráðin bjóða upp
á. „Mín tilfinning er að starfsemi
ráðanna sé lengra komin í stóru
sveitarfélögunum. Rannsóknin
sem ég er að gera byggir að hluta
til á viðtölum við eldri borgara
sem hafa starfað í öldungaráðum
víðsvegar um landið. Markmið
mitt er að ljúka verkefninu í vor.“
Soffía segir að samvinna milli
sveitarstjórna og öldungaráða sé
yfirleitt mjög góð og þó að hún
hafi ekki lokið við rannsóknina,
þá sé það hennar tilfinning að
þar sem samvinnan sé góð hafi
árangur náðst.
Soffía Erlingsdóttir er að skoða hlutverk öldungaráða í sveitarfélögum.