Verkalýðsfélagið Baldur 30 ára 1916-1946 - 01.04.1946, Blaðsíða 20

14
AFMÆLISRIT BALDURS
Forustumenn stéttarsamtakanna hafa orðið.
Sigurður Guðmundsson
Formaður Iðiuiðarmannafélags Isfirðinga:
Iðnaðarmannafélag Isfirðinga er ekki kaup-
kröfufélag. Mér er þó sem l'ormanni þess ljnft
að verða við tilmælum um að minnast verka-
lýðsfélagsins Baldurs nú, er 30 ár eru liðin frá
stofnun félagsins. Það vill svo til, að í haust
eru 30 ár, síðan ég fyrst kynntist verkalýðs-
hreyfingunni og jafnaðarstefnunni — var þá
við iðnaðarvinnu í Kaupmannahöfn.
Ég hefi síðan árið 1918 haft tækifæri til
þess að fylgjast með starfsemi verkalýðs-
hreyfingarinnar á Islandi, þar á ineðal Bald-
urs. Tel ég, að öðrum félöguin ólöstuðum,
Baldur vera í fremri röð. Ekki þarf að fjöl-
yrða um þær hagsbætur, sem Baldur hefir
fært meðlimum sínum. Um það er flestum
kunnugt.
Minna iiefir verið á lofti haldið því, sem
félagið hefir áorkað og alla bæjarhúa varðar.
Eitt af þessu er það, er félagið með sam-
takamætti sínum, gat haft áhrif á það, að
miklum mun minna var flutt til bæjarins af
áfengi um nokkurt skeið, en annars hefði
verið.
Er gott að minnast þess nú.
Nú má búast við nokkrum átökum milli
verkamanna og vinnuveitenda á næstunni, ef
verðlag framleiðsluvara okkar lækkar, sem
fullvíst má telja. Þess vil ég óska, að Baldur
hafi þá eins og jafnan áður forystumenn,
sem hugsa rétt og vilja vel.
Sigurður Guðmundsson.
Haraldur Guðmundsson
Formaður Skipstjórafélagsins Bglgjan:
Fyrir 30 árum, fyrsta. dag aprílmánaðar
1916, stofnuðu ísfirzkir verkamenn Verka-
mannafélag Isfirðinga, er síðar hlaut nafnið
Baldur. Með stofnun þess var grundvöllur
lagður að kerfishundnu samstarfi ísfirzkra
verkamanna, til bættrar lífsafkomu og auk-
innar menningar.
Starfssaga Verkalýðsfélagsins Baldurs, eins
og flestra annara stéttarfélaga í borgaralegu
Jjj óðfélagi, er sú, að verkalýðurinn fái að
neyta starfsorku sinnar við lífræn störf, og
að störf hans séu greidd viðunandi verði.
Grundvallarskilyrðið fyrir því, að sigur
vinnist í þessari baráttu, er það, að verkalýð-
urinn sé ein órofa-samtakaheild, hvaða störf
sem hann vinnur. Til þess að þetta geti orð-
ið, þurfa hin ýmsu stéttarfélög að hafa sem
víðtækast og nánast samstarf um allt það, er
til framfara og umböta horfir.
Á þessum merkisdegi Verkalýðsfélagsins
Baldurs leyfi ég mér að flytja því fyllstu
þakkir fyrir vel unnin störf í þágu ísfirzkrar
verkalýðsstéttar.
Að endingu flyt ég Verkalýðsfélaginu Baldri
alúðarfyllstu hamingj uóskir með þrítugsaf-
mælið. Megi þvi ávallt auðnast að standa á
verði um hag og velferð verkalýðsstéttarinnar.
Haraldur Guðmundsson.