Ný menntamál - 01.04.1998, Blaðsíða 10

( )
I menntamálaráðuneyti er verið að vinna að einhvers
konar gátlista vegna skólanámskrárgerðar.
Framhaldsskólar landsins eru nú flestir að feta í fót-
spor grunnskóla og hefja sína skólanámskrárgerð. Beð-
ið er eftir menntastefnu menntamálaráðherra í aðalnám-
skrá enda munu ákvarðanir hans hugsanlega hafa veru-
leg áhrif á skipulag grunn- og framhaldsskólans. Við
verkefnið framundan hafa vaknað ýmsar spurningar hjá
kennurum og skólastjórnendum um tilgang skóla-
námskráa og vinnulag við gerð þeirra. Segja má að
skólanámskrá sé skrifleg lýsing á því sem er gert í skóla-
starfinu og rökstuðningur fyrir því starfi. Við skóla-
námskrárgerð þurfa starfsmenn skóla að setja í orð hug-
myndir sínar um skólastarf og hvernig þeir ætla með
starfinu að koma til móts við opinber markmið aðal-
námskrár og þau markmið önnur sem þeir telja mikil-
vægt að ná. Eins og við gerð aðalnámskrár er líklegt að
meðal starfsmanna sé að finna ólíkar hugmyndir um
skólastarf og jafnvel óljósar hugmyndir. Það er því mik-
ilvægt að skólanámskrárgerðin verði samvinnuverkefni
allra starfsmanna og að um inntak hennar hafi verið
fjallað málefnalega enda þá líklegra að hún verði það
tæki sem til er ætlast. Ef vel tekst til við skólanámskrár-
gerð ættu markmið skólastarfs að vera skýrari og þannig
auðveldara fyrir starfsmenn skóla að meta hvaða mark-
miðum er náð og hverjum síður. Þannig sjálfsmat er svo
forsenda fyrir bættu skólastarfi og skólaþróun.
Námskrárgerð á íslandi, þá sérstaklega skóla-
námskrárgerð, hvílir á því að kennarar og skólastjórn-
endur kunni talsvert fyrir sér í námskrárgerð (geri sér
t.d. grein fyrir grunnhugtökum innan námskrárfræða,
hafi gott vald á umræðu um hugmyndafræði að baki
skólastarfi, þekki til markmiðssetningar og tengingar
markmiða og námsmats svo eitthvað sé nefnt) og sú
krafa endurspeglast beint eða óbeint í kröfu stjórnvalda
um gerð skólanámskrár í grunn- og framhaldsskólum.
Þessar kröfur eru einnig í samræmi við ríkjandi sjónar-
mið um fagmennsku kennara og mikilvægi þess að
kennarar séu rannsakendur í starfi og virkir þátttakend-
ur í sjálfsmati (Ólafur Proppé, 1992; Berliner, 1992, Sig-
urjón Mýrdal, 1992). Hins vegar má spyrja hvort þekk-
ing skólastjórnenda og kennara á námskrárgerð sé nægi-
leg til að vel takist til í skólanámskrárgerðinni þannig að
hún endurspegli þau markmið og þá skólastefnu sem
sett er fram í aðalnámskrá.
Að lokum
Nú þegar endurskoðun aðalnámskár fyrir grunn- og
framhaldsskóla er senn lokið vakna óhjákvæmilega
spurningar um fararheill hennar. Fari svo að aðalnámská
verði tilbúin í haust getur liðið langur tími áður en
ákvæða hennar fer að gæta í kennslu. Svo virðist sem í
nýrri námskrár verði kveðið fastar að ákveðinni mennta-
STUND í MYNTSAFNINU
Islensk mynt og seðlar, íslenskir vöruseðlar
og brauðpeningar, minnispeningar,
heiðursmerki, orður
- erlend mynt sem tengist islenskri sögu.
Myntir hafa veriö slegnar síðan á 8. öld f.Kr. og
eru meöal frumheimilda um menningar- og verslunar-
sögu fyrri alda. I Myntsafni Seðlabanka og Þjóðminja-
safns eru nú um sextán þúsund myntir.
Stofninn i myntsafninu er íslensk mynt og seðlar
og erlendir peningar frá fyrri öldum. Meðal sýningar-
efnis eru peningaseðlar frá 18. öld, sem heimilt var að
nota hér á landi og siðan allar gerðir innlendra seðla
frá upphafi islenskrar seölaútgáfu árið 1886.
Safn af skemmtilegum fróðleik.
Opið virka daga á skrifstofutíma og á sunnu-
dögum kl. 14-16.
Sérfræöingur er til leiðsagnar. Aðgangur ókeypis.
MYNTSAFN
Seðlabanka og Þjóðminjasafns
Einholti 4 Reykjavik Simi 69 99 64