Ný menntamál - 01.04.1998, Blaðsíða 42

C )
ryðja nokkrum ómerkilegum hindr-
unum úr vegi og þá yrði alþýðan
frjáls, samfélagið réttlátt og skóla-
böm lífsglöð og fróðleiksfús. Við
vitum hvernig fór. Hugsjónirnar
biðu skipbrot. Líka í skólunum. Og
nýjar hugsjónir létu bíða eftir sér.
Þær láta enn bíða eftir sér. Nú þykir
nánast hallærislegt að trúa á betri
heim. Stórir draumar eru ekki í
tísku. I stað þeirra höfum við upp-
lýst úrræðaleysi þeirra sem sjá
gegnum öll einföld svör og ana
áfram í kokhraustri fullvissu um að
draumórar séu barnaskapur og fyrir
neðan sína virðingu.
Þótt menn eins og Tony Blair trúi
því, a.m.k. í aðra röndina að hægt sé
að lappa upp á skólakerfið með auk-
inni tölvunotkun styðst þessi trú
hvorki við neina heildarsýn á mann-
lífið né heilsteypta uppeldis- og
menntastefnu. Hún er ef til vill bara
einhvers konar endurómur eða berg-
mál af umræðum um tölvuvæðingu
skóla á 8. áratugnum og trú fyrir-
rennara okkar á að aukin tækni sé
ævinlega til góðs.
Atferlissinnar og þroskasálfræð-
ingar 8. áratugarins máttu eiga það
að þeir byrjuðu á að hugsa um
námsmarkmið og mótuðu mennta-
stefnuna fyrst og spurðu sig svo á
hvern hátt tölvur gætu þjónað mark-
miðunum sem þeir settu skólunum.
Nú virðast menn frekar horfa á aug-
lýsingar tölvuframleiðenda og
hugsa með sér: „Vá! Þetta er svo
flott að það hlýtur að vera hægt að
læra eitthvað af því, við skulum
setja tölvur í skólana.“ Þeir sem ráða
ferðinni í tölvuvæðingu skólanna
tala fremur um kflóbæt, megarið og
gígabæti en um nám og kennslu.
Þessi umskipti eiga sér sögu sem
vert er að rifja upp.
Aldarfjórðungssaga
Fyrstu einmenningstölvurnar
komu á markað á árunum 1975 og
1976. Þessar vélar voru tæpast fyrir
aðra en tækniáhugamenn og
grúskara. Árið 1977 urðu þáttaskil.
Þá komu Apple II og Commodore
Pet vélarnar fram á sjónarsviðið.
Þær voru með skjá og lyklaborði og
BASIC túlk í lesminni. Nú til dags
þættu þessar vélar harla frumstæðar.
Sú fyrrnefnda hafði 16 kílóbæta rit-
minni (sem stækkanlegt var í 48
kflóbæti), eina gagnageymslan sem
fylgdi var hægvirkt segulbandstæki
og verðið var um það bil 1.300
Bandaríkjadalir. Commodore Pet
vélin var um það bil helmingi ódýr-
ari en hún hafði bara 4 kflóbæta rit-
minni.
Með þessum tveim vélum hófst
tölvuvæðing grunn- og framhalds-
skóla. Fyrstu árin áttu skólarnir fáar
tölvur og mest orka fór í að læra að
skrifa forrit á BASIC. í byrjun 9.
áratugarins var tekið að kenna for-
ritun í einhverri mynd við flesta ís-
lenska framhaldsskóla. Segja má að
tölvukosturinn hafi kallað á kennslu
í forritun. Það var auðvelt að forrita
r
u ð
Einnig:
• Móttaka þyrlu á slysstað
• Sálræn skyndihjálp
• Starfslok
• Námskeið fyrir barnfóstrur
Upprifjunarnámskeið í skyndihjálp
• Sumarnámskeið
Almenn skyndihjáIpj
Námskeiðið er opið öllum 15 ára og eldri. Markmiðið er að þátttakendur verði
hæfir til að veita fyrstu hjálp á slysstað. Fjallað er um grundvallarreglur í
skyndihjálp; endurlífgun, meðvitundarleysi, lost, blæðingu, sár, beinbrot,
brunasár, rafmagnsslys, kal, ofkælingu, ofhitun, bráða sjúkdóma, aðskotahluti
I hálsi, sálræna skyndihjálp, umbúðir og flutning slasaðra. Grunnnámskeiðið
er lágmark 16 kennslustundir.
Slys á börnum
Námskeiðið er öllum opið. Vakin er athygli á þeim slysum sem algengast er að
börn lendi í og hvaða fyrstu hjálp skuli veita. Einnig er fjallað um hvernig megi
hugsanlega koma í veg fyrir slik slys. Námskeiðið er 8 kennslustundir.
Skráning á némskeiðin er hjá
Rauða kross deildum eða á
aðalskrifstofu Rauða kross
(slands, sfmi 570 4000.
RAUÐI KROSS ISLANDS
www.redcross.is