Ný menntamál - 01.04.1998, Blaðsíða 44

3
C
veruleikann í skólunum. Þeir sem
réðu ferðinni í tækjakaupum og
tölvukennslu fylgdust meira með
því sem var að gerast á markaðnum
og úti í fyrirtækjunum heldur en
bollaleggingum uppeldis- og
kennslufræðinga um tölvuvædda
kennslu. Þetta var að ýmsu leyti til
góðs. Skólarnir tileinkuðu sér nú-
tímaleg vinnubrögð við textavinnslu
og meðhöndlun gagna og nemendur
lærðu að nota forrit eins og gert er í
atvinnulífinu, ritvinnsluforrit við rit-
gerðasmíð, bókhaldsforrit við bók-
færslu, hönnunarforrit við tækni-
teikningu o.s.frv. Tölvan varð að
skrifstofuvél fremur en sérhæfðu
kennslutæki.
I stuttu máli má segja að tölvu-
væðing skólanna hafi elt markaðinn
og atvinnulífið með þeim afleiðing-
um að tölvur hafi orðið sjálfsögð
verkfæri við ýmsa vinnu í skólun-
um. A sama tíma hafa skólamenn
skellt skollaeyrum við hugmyndum
um tölvuvædda kennslu og jafn-
framt hefur kennsla í forritun og
eiginlegri tölvufræði orðið meira og
meira utangarðs. Um þetta hafa ekki
verið teknar meðvitaðar ákvarðanir.
Skólarnir hafa bara flotið með
straumnum. Á tímabili virtist
straumurinn bera þá í rétta átt en
hvað nú?
Þegar staðarnet, geislaprentarar,
gluggastýrikerfi og fullkomin rit-
vinnsluforrit eins og Word fyrir
Windows komu fram batnaði að-
staða til ýmissar vinnu í skólum.
Þeir eltu markaðinn og það var til
bóta. En þýðir þetta að skólarnir eigi
nú að kaupa tölvur sem keyra
Windows 95 eða Windows NT,
tengja vélar sínar Internetinu og
kaupa nýjustu útgáfu af Microsoft
Office og stór söfn af geisladiskum
með margmiðlunarefni svo eitthvað
sé nefnt? Þetta kostar heilmikla pen-
inga og þessa sömu peninga mætti
nota til að kaupa bækur á skóla-
bókasafn, kennslutæki í eðlisfræði,
hljóðfæri eða betri íþróttaaðstöðu
fyrir nemendur. Það verður að velja
og hafna.
Löngu áður en fullkomin rit-
vinnsluforrit urðu til var þörf fyrir
þau í skólunum. Kennarar og nem-
endur þurftu að semja texta og setja
hann upp. Svipaða sögu má segja
um töflureikna. Þeir henta til að
vinna hratt og vel ýmis verk sem
alltaf hefur þurft að vinna í skólum.
Mæta nýjustu tískuvörurnar á tölvu-
markaðnum einhverri raunverulegri
þörf eða finnst mönnum sjálfsagt að
kaupa þær fyrir skólana bara vegna
þess að það er orðinn vani að þeir
elti tölvumarkaðinn?
Fjölmiðlar, leiktækjasalir og
bíó
Nú á því herrans ári 1997 reyna
tölvusalar helst að koma viðskipta-
vinum sínum í samband við Inter-
netið og selja þeim ýmiss konar
margmiðlunarefni á geisladiskum.
En margmiðlun kallast það þegar
saman fara texti, hljóð og lifandi
myndir og áhorfandinn getur gripið
inn í atburðarásina á skjánum og
Irc - hvernig væri að læra að nota spjallrásir? Námskeiðið er fyrir fullorðna sem vilja
verða hæfari í uppeldi irc-barna og færari um að tölvu-spjalla við vini og kunningja. Ódýrt
námskeið - hefst 23. mars 1998.
Læra á Internetið - hvernig væri að kynnast Internetinu á tveimur tímum? Hafðu
samband við Jónu Pálsdóttur kennslustjóra hjá íslenska menntanetinu í síma 563-3933 og
pantaðu tíma fyrir þig eða hóp sem þú tilheyrir.
Meira hvernig væri að læra: Að sækja og senda tölvupóst? Að búa til vefsíðu? Að búa
til próf á Internetinu sem fara yfir sig sjálf og senda einkunn til kennarans? Að vinna myndir
í Photoshop? Að fá sér Abót að eigin vali með því að hafa samband við Jónu sem
klæðskerasaumar námskeið fyrir þig?
ABOT
-
námskeið íslenska menntanetsins
Alls kyns og ódýr - fyrir þig - sími 563-3933 - www.ismennt.is/abot
44