Ný menntamál - 01.04.1998, Blaðsíða 45

stýrt henni á ýmsa vegu. Tölvurnar
sem boðnar eru til kaups vilja ekki
bara vera verkfæri við skrifstofu-
störf heldur líka fjölmiðlar, leik-
tækjasalir og bíó. Eigum við að trúa
því að fjölmiðlar, leiktækjasalir og
bíó reisi skólana úr öskustónni?
Þegar tekið var að kenna forritun í
framhaldsskólum á árunum kringum
1980 þá voru skynsamleg rök til að
ætla að þessi kennsla gagnaðist
nemendum. Sama má segja um
kennsluforritin. Þó þau hafi ekki
valdið neinni byltingu í skólastarfi
þá voru að minnsta kosti sett fram
rök fyrir því að þau gætu bætt
kennslu í ýmsum greinum. Þegar rit-
vinnslan og töflureiknarnir komu þá
sáu kennarar notagildi slíkra forrita
bæði fyrir sjálfa sig og nemendur.
En nú þegar Internetið og margmiðl-
unin eiga að umbylta skólakerfinu
gengur mönnum illa að benda á
gagnsemi þessara nýjunga. Það er
að vísu hægt að nota hvort tveggja
til að afla ýmissa upplýsinga og net-
ið gagnast til bréfaskipta og bréfa-
skipti og upplýsingaheimt eru eðli-
legur partur af skólastarfi, þótt þau
séu ekki neitt aðalatriði.
Sæmileg rök mæla með því að
skólabókasöfn hafi aðgang að ver-
aldarvefnum og eigi efni á geisla-
diskum sem hægt er að skoða á
tölvuskjá. Einnig kunna að vera rök
fyrir því að veita nemendum aðgang
að tölvupósti. En ég fæ ekki séð að
það sé mikil ástæða til að ganga öllu
lengra að sinni. Það hafa ekki kom-
ið fram nein rök sem mæla með því
að pota margmiðlun og veraldarvef
inn í hverja kennslustofu. Raunar
virðist það lítið gáfulegra en að setja
upp sjónvarpstæki og myndbanda-
leigur í skólunum.
Sú tölvutækni sem nýstárlegust
þykir þessa dagana virkjar tölvumar
ekki sem verkfæri heldur sem miðil,
tæki sem getur sýnt flottar myndir,
spilað lög og birt efni sem liggur
frammi á vefþjónum vítt og breitt
um heiminn. Þeir sem halda að þetta
muni bæta skólastarf og almenna
menntun láta glepjast á svipaðan
hátt og Sarnoff gerði fyrir 60 árum.
j Öryggi í fjármálumier mikilvægttil þess að fjölskyldan
geti áhyggjulaus notið lífsins. Greiðsluþjónusta
Sparisjóðanna léttir þér fjármálavafstrið, gluggabréf
heyra sögunni tii og þú hefur mun betra yfirlit yfir
fjármálin. Þú geturvalið milli þriggja leiða íj
Greiðsiuþjónustu Sparisjóðanna:
[ Greiðsludreifingrjvið gerum greiðsluáætlun fyrir árið og
þú borgar jafnar mánaðarlegargreiðslur.
Stakar greiðslur: Sparisjóðurinn greiðir fasta reikninga,
s.s. hitaveitu-, fjölmiðla- og rafmagnsreikninga.
Greiðslujöfnun: Komi til þess að greiðslur einstakra
mánaða séu hærri en inneign þín iánar Sparisjóðurinn
mismuninn.
Greiðsluþjónusta Sparisjóðanna er þægileg og örugg leið
til að ná jafnvægi í fjármálum þínum og heimilisins.
Í8
SPARISJÓÐUR VÉLSTJÓRA