Kristilegt skólablað - 01.09.1959, Page 10

treystir honum, hann er á réttri leið. I bréfi sínu
til Efesusmanna segir Páll: „Því af náð eruð þér
hólpnir orðnir fyrir trú, og er það ekki yður að
þakka, heldur Guðs gjöf“. Engin verk, engir eigin
verðleikar koma til greina. Það er eingöngu af
náð Guðs. Það er sama, hver syndarinn er, hvað
hann heitir, og hvað hann hefur gert af sér, Jesús
Kristur kom í heiminn til að frelsa synduga menn,
til að leysa þá undan fjötrum syndarinnar og
veita þeim hvíld. Og hversu unaðslegt er að vita
þetta. Þótt sífelldur ótti og kvíði sæki að, þá meg-
um við trúa honum fyrir þvi, leggja það í hans
hendur, og hann mun veita okkur hjálp. Þó að
við eigum í erfiðleikum og vanda, megum við
treysta honum fyrir því, og hann mun greiða okk-
ur veg. „Fel Drottni vegu þína, treyst honum, og
hann mun vel fyrir sjá“. (Sálmur 37. 5). „Það
orð er satt, og í alla staði þess vert, að við því sé
tekið“. Það er sama á hvern hátt við lítum á það,
það er í alla staði þess vert, að við tökum á móti
því og trúum því, að það sé satt, og getum þannig
tileinkað okkur það persónulega.
Við skulum því aðeins að lokum athuga nokkur
veigamikil atriði, sem hver sá þarf að athuga, sem
vill virkilega vera lærisveinn Jesú Krists.
BIÐJIÐ. Bænin er án efa eitt mikilvægasta at-
riði í lífi hvers kristins manns. Sá, sem trúir á
Guð og treystir honum í einlægni, hann finnur
brátt, að Guð bregst ekki. En hann kemst einnig
að raun um, að hann bænheyrir ekki alltaf eftir
því, sem við viljum og höldum þannig, að sé okk-
ur fyrir beztu. En þá vitum við lika þetta, að það
sem Guð vill, er ætíð það bezta. (Sálmur 37. 5).
Við þurfum því að biðja á hverjum degi, helzt
oft á dag, til þess að við öðlumst samfélag við
Guð og hljótum þannig kraft frá honum. Því að:
„Þeir, sem vona á Drottin, fá nýjan kraft". Líf
án samfélags við Guð er einskis virði og ber engan
ávöxt.
LESIÐ. Það er ekki nóg, að við tölum við Guð,
hann þarf einnig að fá að tala við okkur. Við þurf-
um því að lesa í Biblíunni á hverjum degi, til
þess að við getum betur séð en áður, hvað er Guðs
vilji. Við þurfum að lesa til að öðlast meiri þekk-
ingu á Guði og hans orði. Lestur Guðs orðs er
nauðsynlegur og ómissandi hverjum þeim, sem
vill vera trúr og einlægur lærisveinn hans.
HLÝÐIÐ. Það er ekki nóg að lesa, við þurfum
að geta tileinkað okkur það, sem við lesum. Og
það getum við með því að biðja ávallt, áður en
við lesum. Við þurfum að varðveita orð Guðs í
hjörtum okkar, til þess að það geti orðið okkur
til blessunar. Við þurfum að hlýða hinni heilögu
raust Guðs og fara eftir því, sem hann segir okkur.
Við verðum að trúa því, að það sé satt, sem hann
segir okkur í Biblíunni. Það eru margir, sem vilja
fylgja Guði, þegar allt gengur vel, en fáir, sem
vilja fylgja honum í þrengingum. En Jesús segir
sjálfur: „Vilji einhver fylgja mér, þá afneiti hann
sjálfum sér og taki upp kross sinn og fylgi mér“.
Það er einkum þetta þrennt, sem mig langaði
að lokum til að leggja áherzlu á: 1. Að biðja, 2. Að
lesa, 3. Að hlýða.
„Það orð er satt og í alla staði þess vert, að
við því sé tekið, að Kristur Jesús kom í heiminn
til að frelsa synduga menn“. Og þar á meðal erum
við einnig, en aðeins ef við viljum trúa á hann og
treysta honum.
_ i'íjl ihóíumót ^ J\rii/ií((i ihólciácimtöL
ef
Kristilegt skólamót verSur haldiÓ um bœnadag-
ana (25.—28.marz) í Vatnaskógi. öllum fram-
haldsskólanemendum er heimil þátttaka, og ber
þeim að snúa sér til skrifstofu K.F.U.M., Amt-
mannsstíg 2 b, fyrir 22. marz.
Stjórnin.
Kristileg skólasamtök starfa að útbreiðslu fagn-
aðarerindis Guðs meðal skólaæskunnar. Þau halda
fundi sína á laugardögum kl. 8,30 e. h. að Amt-
mannsstíg 2 B. Dagskrá fundanna er mjög fjöl-
breytileg.
Jafnframt gengst félagið fyrir bænarstund fyrir
félagsmenn á þriðjudögum kl. 8,30 e. h.
8
KRISTILEGT SKÓLABLAÐ