Kristilegt skólablað - 01.09.1959, Page 12

FELIX ÓLAFSSON,
Sæll vertu lesandi góður!
Það var skynsamlegt af þér að líta í „Kristilegt
skólablað“. Bara að skólafélagar þínir sjái nú ekki
til þín. Þeir gætu haldið, að þú værir orðinn heil-
agur. Ég tala nú ekki um, ef þú værir að lesa grein
um kristniboð. Líklega ertu þó ekki með öllu and-
vígur kristindómi. Nei, hvers vegna ættir þú að
vera það? Það getur verið gott að eiga Guð að,
þegar prófin fara að nálgast. Ekki aðeins skóla-
prófin, heldur þau próf, sem þú munt verða að
ganga í gegnum á lifsleiðinni.
Það kann svo Sem vel að vera, að þú hafir dá-
lítið gaman af trúmálum, svona innst inni fyrir.
Og það hefur dýpri og eðlilegri orsök, en þú gerir
þér grein fyrir. Guð hefur fylgt þér eftir frá þeim
degi, er þú fyrst sást dagsins ljós. Hugsaðu þig
vel um. Er það ekki einmitt staðreynd, að hann
hafi aldrei sleppt af þér hendinni. Hvar værir þú
á vegi staddur, ef hann hefði gert það?
En hvers vegna hefur hann látið sér svo annt
um þig? Auðvitað vegna þess, að hann elskar þig.
Þú ert dýrmætur í augum hans. Það segir Biblían.
En hún segir einnig, að hann hafi haft fyrirætl-
anir í hyggju með þig. Það var aldrei ætlun Guðs,
að þú skapaðir sjálfum þér frægð og hylli, en
gleymdir honum. Það var ekki ætlun hans, að líf
þitt yrði innantómt og sjálfselskufullt. Þú áttir að
framkvæma vilja hans honum til dýrðar. Fyrsta
skilyrðið fyrir, að svo geti orðið, er, að þú trúir
því, að Jesús Kristur sé sonur Guðs og frelsari
heimsins.
Það skiptir svo miklu máli, vegna þess að án
þeirrar trúar nær lífið aldrei tilgangi sínum. Það
er ekki hægt að lifa og þjóna Guði, en afneita syni
Æskan og
hans. Auk þess er það einmitt vilji Guðs, að allir
tnenn megi öðlast trú á Jesúm Krist. Án þeirrar
trúar er ekkert samfélag við Guð hugsanlegt. Þetta
var því ætlun Guðs: að þú mættir eignast þessa
trú, og að þú lifðir fyrir það eitt að útbreiða trúna
á hann.
Þess vegna varðar kristniboðið hvern einasta
kristinn æskmnann mikið. Kristniboð er útbreiðsla
trúarinnar. Það er þitt hlutverk. Og Guði nægir
ekki, að menn helgi honum tvö eða þrjú síðustu ár
ævinnar. Hann vill eiga allt líf okkar.
Nú geta ekki allir orðið kristniboðar að atvinnu,
en það er ekkert því til fyrirstöðu, að málefni
Drottins verði okkur kærara en allt annað, í hvaða
stétt eða stöðu þjóðfélagsins, sem við erum. Ég
þekki marga menn, sem á unga aldri fengu skýrt
kristniboðskall. Þeir ályktuðu þá strax, að Guð
10
KRISTILEGT SKÓLABLAÐ