Kristilegt skólablað - 01.09.1959, Blaðsíða 20

Svandís
PéturscLóttir
Þegar nú Jesús hafði til sín tekið edikið,
sagði hann: „Það er fullkomnað!" Og
hann hneigði höfuðið og gaf upp andann.
Jóh. 19. 30.
„Það er fullkomnað“. Þú hefur heyrt þessi orð
nefnd, „síðustu orð Jesú á krossinum", en hefur
þú nokkurn tíma hugsað um, hvað er fólgið í þess-
um orðum? Þú skalt aðeins, áður en þú hugleiðir
þau nánar, staðnæmast þarna hjá krossi Jesú og
líta fljótt yfir æviár hans. Þú manst eftir því, að
hann fæddist í fjárhúsi og hann var lagður í jötu,
því það var ekki rúm fyrir Maríu og Jósef í gisti-
húsinu. Samt sem áður komu menn að jötunni og
veittu honum lotningu, en aðrir ætluðu að taka
hann af lífi. Boðskapurinn um fæðingu hans hljóð-
aði þannig: „Yður er í dag frelsari fæddur“.
Mörg ár eru liðin. Nú sérð þú Jesú á gangi með-
fram ánni Jórdan, og þér er bent á hann með þess-
um orðum: „Sjá, Guðslambið, er ber synd heims-
ins“. Síðan sérð þú hann álengdar, þegar hann tal-
ar við fólkið, gerir kraftaverk og læknar. Svo er
hann handtekinn og dreginn fyrir dóm, en ráða-
menn landsins finna enga sök hjá honum. Þó er
hann hæddur, píndur og að lokum krossfestur sak-
laus, milli tveggja illræðismanna, til þess að ræt-
ast skyldi: „Og menn bjuggu honum gröf meðal
illræðismanna, þótt hann hefði eigi ranglæti fram-
ið og svik væru ekki í munni hans.“ (Jes. 53. 9).
Svo voru síðustu orð hans: „I3að er fullkomnað“,
og hvað átti hann við með því? Hann hafði full-
SVANDÍS PÉTURSDÚTTIR,
Menntaskólanum í Reykjavík:
komnað verkið, sem Guð hafði sent hann til að
vinna. Því að Guð elskar þig svo mikið, að hann
sendi son sinn, Jesúm Krist, hingað niður á jörðina
til þess áð deyja fyrir þínar syndir, svo að þú gætir
öðlazt fyrirgefningu og eilíft líf. Þú hefur kannske
aldrei hugsað um það, að þú værir í raun og veru
syndari. En ef þú lest Róm. 1.28—32 og prófar
síðan sjálfan þig, kemstu bráðlega að annarri niður-
stöðu. Og þá er gott til þess að vita, að Jesús Krist-
ur, frelsari mannanna, hefur greitt sektina. Hann
ber burtu syndirnar, afmáir þær, aðeins ef þú
kemur með þær fram fyrir hann. Því það sem
hann átti við með orðum sínum. „Það er fullkomn-
að“, er, að hann hafi greitt sektina.
Taktu á móti Jesú inn í líf þitt og játaðu syndir
þínar fyrir honum. Þá muntu eignast hið eina
sanna líf, sem vert er að lifa. Þú munt eignast
vin, sem stendur við hlið þér í blíðu og stríðu,
reiðubúinn að hjálpa, hvenær sem þörf krefur, Og
að lokum muntu fá að dvelja um eilífð með Guði,
þegar jarðvistardögum þínum lýkur.
Jesús er tilbúinn og biSur. ÞaS stendur því aS-
eins á þér aS koma.
Eftir að þetta allt var skeð,
edikið Jesús smakka réð,
þrótt og lífskrafta þverra fann,
„það er fullkomnað", sagði hann.
Herra Jesú, ég þakka þér,
þvílíka huggun gafstu mér,
ófullkomleika allan minn
umbætti guðdómskraftur þinn.
18
KRISTILEGT SKÓLABLAÐ