Kristilegt skólablað - 01.09.1959, Blaðsíða 21

ÁSGEIR MARKÚS JÖNSSON,
GagnfrœcSaskóla Vesturbœjar:
Orðskv. 23. 26. „Son minn gef mér
hjarta þitt“.
Jesús biður um hvers manns hjarta, hversu
hlaðiS af syndum, sem það kann að vera. Hann
kallar á alla og stendur með útbreiddan faðminn
og bíður þín lika.
1 Matt. 11. 28—30 segir Jesús: „Komið til mín
allir“.....
Það er yndislegt að heyra hann segja: „Komið til
mín allir“. Þetta á erindi við alla, bæði þig og
mig.
Guð gefi okkur náð til þess að koma í einlægni
með allt, sem okkur liggur á hjarta, til hans. —
„Þér sem erfiðið og þunga eruð hlaðnir, og ég mun
veita yður hvild“. Það er dásamlegt að mega koma
til hans í trausti þess, að hann muni taka á sig
allar okkar syndir og veita okkur hvíld, fylla
hjörtu okkar friði. Meðan við erum ung, hugsum
við oft, þegar við heyrum kall frelsarans, ekki enn-
þá, ég er of ungur, ég vil njóta lífsins.
Kæri vinur, þetta er mín reynsla. Ég varð ekki
hamingjusamur, fyrr en ég gafst Guði, og átti
Jesúm fyrir minn persónulega frelsara og vin, og
ég vil ráðleggja þér, sem ekki hefur gefizt hon-
um, leitaðu hans, meðan þér gefst tækifæri, ját-
aðu synd þína frammi fyrir augliti hans, og þá
munt þú finna, að blóð Jesú, Guðs sonar, hreinsar
hjarta þitt.
Þú hefur eflaust fundið það oftar en einu sinni,
að Jesús kallar þig til fylgdar við sig. En hefur
þú hlýtt því kalli?
I Sakaría 1. 3. stendur: „Snúið til min, segir
Drottinn hersveitanna, þá mun ég snúa mér til
yðar“. Þú veizt, að þú getur leynt mörgu fyrir
mönnum, en gerir þér kannske ekki grein fyrir,
að ekkert er hægt að dylja fyrir Guði. En finnst
Ásgeir M. Jónsson •
þér ekki gott að geta snúið þér með alla erfiðleika
og syndir þinar til Guðs? Hann segir, að hann
muni ekki snúa sér á móti þér, heldur að þér, og
hann hreinsar þig af allri synd og leiðir þig á mjóa
veginum og styrkir þig. I einum söng stendur:
Áfram skal þitt orðtak vera.
Andi Guðs mun styrk þér ljá.
Dag hvern skaltu biðja og bera
blessun öðrum, Guði frá.
Játning þína hátt lát hljóma,
hæstan tel þinn vera sóma:
Fáirðu að þjóna Kristi, er keypti
á krossi þig.
Helgaðu Jesú
hjartablóð þitt allt,
hiklaust með honum
hér þú berjast skalt,
Fylk þér við fánann,
fel þig krossinn við,
Guð þér þar gefur,
gleði, kraft og frið.
Ef maður athugar þessi vers vel, þá sér maður,
hve mikið þau innihalda. Áfram, já, áfram að
markinu, og markið er hann, Jesús Kristur.
Gefum honum hjarta okkar. Það er mjög áríð-
andi að biðja til hans stöðugt, ekki aðeins, þegar
KRISTILEGT SKÖLABLAÐ
19