Kristilegt skólablað - 01.09.1959, Page 26

SÓLVEIG Þ. ÁSGEIRSDÓTTIR,
GagnfrœSaskóla Verknámsins:
17
er uecjiirLnn
u
Sólveig
Ásgeirsdóttir
Ég er vegurinn, sannleikurinn og lífið, enginn
kemur til föðurins nema fyrir mig. — Jóh. 14, 6.
Hve oft hefur þú ekki lesið og heyrt þessi orð,
en hefur þú gert þér grein fyrir, hvað þau inni-
halda? Hvað á Jesús við, þegar hann segir þessi
orð við lærisveina sína? Ég er vegurinn, sannleik-
urinn og lífið, enginn kemur til föðurins nema
fyrir mig.
Jú, hann er að segja okkur það, að við komumst
ekki til föðurins nema trúa á Jesúm Krist, og Jesús
er vegurinn, sem við eigum að ganga. Hann er hið
eina sanna líf, sem við getum eignazt. Og þá spyr
þú e. t. v.: Hvernig get ég fundið hann? Ég hef
reynt það, en mér hefur ekki tekizt að finna hann.
Þá vil ég spyrja þig, hvað þú eyðir miklum tíma
daglega til að lesa Guðs orð, og hvað þú eyðir
miklum tíma daglega til að tala við Guð? Taktu
þér tíma til að lesa Guðs orð, byrjaðu lesturinn
með bæn til Guðs, lestu reglulega, lestu í sam-
hengi, lestu alltaf eins og þú sért að lesa í fyrsta
skipti. Þú átt ekki að hugsa þannig: Já, þetta kann-
ast ég nú við, þetta hef ég nú heyrt eða lesið áður,
þá get ég sleppt að lesa það. Þannig megum við
ekki hugsa. Við eigum að lesa hvert orð með at-
hygli og athuga, hvað það inniheldur. Trúarlíf án
lesturs og bænar er eins og líf án næringar.
„Enginn kemur til föðurins nema fyrir mig“,
það skulum við hafa hugfast. Þegar ég heyrði fyrst
kallið frá Guði, sagði ég: „Ég get ekki komið núna,
ég er svo mikill syndari, ég verð að reyna að bæta
mig.“ Og hvað gerði ég? Jú, ég gerði áætlanir, t. d.
fyrir vikuna. Ég ætlaði að lifa syndlausu lífi í viku
og sjá, hvernig mér tækist það. Ef mér tækist það,
ætlaði ég að koma til Jesú og biðja hann að taka
á móti mér. En hvernig fór? Jú, það fór illa, ég
gerði margar áætlanir, en engin stóðst. Hvers
vegna? Jú, vegna þess, að ég gleymdi að biðja Guð
að hjálpa mér. Ég ætlaði að gera þetta ein og hlýða
svo kallinu. En Jesús segir: „Enginn kemur til föð-
urins nema fyrir mig.“ Ef við biðjum hann að
hjálpa okkur til þess, þá gerir hann það áreiðanlega.
[ dag er náðardagur, og Jesús er einmitt að kalla á
þig í dag. Komdu til hans. Geymdu ekki til morg-
uns það, sem þú getur gert í dag. Þú veizt ekki,
hvað morgundagurinn ber í skauti sínu. Þér finnst
það e. t. v. erfitt, meðan þú ert svo ungur. Þú hugs-
ar e. t. v. um það, hvað félagarnir mundu hugsa.
Þeir mundu segja, að þú værir eitthvað undar-
legur.
En þá skulum við athuga þessa félaga okkar, og
ef við gerum það, sjáum við, að þessir félagar okk-
ar vita ekki, hvað það er gott að eiga Jesúm sem vin
og frelsara. Ef þeir vissu það, mundu þeir heldur
ekki segja neitt.
Ef Jesús er með oss, hver er þá á móti oss?
„Ég er vegurinn, sannleikurinn og lífið,“ segir
Jesús. Já, Jesús, hann er hið eina sanna líf, sem
við getum eignazt.
„Þann, sem til mín kemur, mun ég alls ekki
burt reka.“ Það er gott að vita það, að við meg-
um koma til Jesú, eins og við erum, og hvernig
sem við erum. Jesús sagði: „Ég er ekki kominn
til að kalla réttláta, heldur syndara.“ „Uppskeran
er mikil, en verkamennirnir fáir.“
Eigum við ekki að leggja okkur fram og reyna
að vera góðir verkamenn í víngarði Drottins og
leitast við að vera góðir vottar hans, hvar sem er.
Og við skulum ekki gleyma að biðja Guð og um
leið trúa því og treysta, að Guð hjálpi okkur til
þess.
Guð gefi þér, sem enn hefur ekki komið auga
á hann, náð til þess að koma til hans í trú.
24
KRISTILEGT SKÓLABLAÐ