Eining-Iðja - 01.06.2001, Blaðsíða 10

„Mín skoðun er að þessir samningar
marki tímamót þar sem við náðum fram
umtalsverðum kjarabótum og náðum að
rétta hlut starfsfólks sveitarfélaga til
samræmis við það sem gerist í opinbera
geiranum. Þarna vorum við að ná fram
atriðum sem BSRB og starfsmannafé-
lögin hafa í mörgum tilfellum samið um
en okkar fólk hefur ekki notið til þessa,”
segir Björn Snæbjörnsson, formaður
Einingar-Iðju, um samninga sem gengið
var frá í apríl sl. við launanefnd sveitar-
félaga. Samningurinn er afturvirkur til
1. febrúar sl. og gildir í fjögur ár.
Meðal helstu atriða sem náðust fram má
nefna aukinn veikindarétt en hann lengdist
um helming, lengri uppsagnarfrest, breytt
og hærra vaktaálag, 50 þúsund króna des-
emberuppbót og margt fleira. „Hvað hæst
ber að tekin var upp ný og samræmd launa-
tafla sem felur í sér verulega kauphækkun
hjá félagsmönnum Einingar-Iðju, meiri
hækkanir en við höfum séð í langan tíma,
segir Björn.
Stóraukinn lífeyrisréttur
Stóraukinn lífeyrisréttur er meðal þess
sem nýju samningarnir fela í sér og tókst nú
loks eftir margra ára baráttu að ná fram. Er
starfsfólk sveitarfélaga fyrsti hópurinn inn-
an ASÍ sem nær þessum auknu réttindum
sem hafa í för með sér aukinn jöfnuð til
samræmis við það sem starfsfólk innan
BSRB og starfsmannafélaga hafa notið.
„Ein af þeim kröfum sem voru uppi í þessu
sambandi var að í staðinn myndu allir starfs-
menn fara að greiða í Lífeyrissjóð sveitar-
félaga, sem okkur leist afar þunglega á. Á
síðustu stundu tókst að ná þessu út sem ég
vil þakka bæjarstjóranum á Akureyri, Krist-
jáni Þór Júlíussyni. Hann sýndi afar rösk-
lega framgöngu í því máli. Fólk getur því
haldið áfram að greiða í sömu lífeyrissjóði
og áður og það liggur fyrir að Lífeyrissjóð-
ur Norðurlands mun bjóða Einingar-Iðju-
fólki sambærileg réttindi og Lífeyrissjóður
sveitarfélaga gerir,” segir Björn.
Samstaðan skilaði árangri
Að sögn Björns þakkar hann þennan góða
árangur þeirri breiðu samstöðu sem náðist
meðal verkalýðsfélaga og einnig hafi það
auðveldað samningaviðræður að flest sveit-
arfélögin fólu launa-
nefnd sveitarfélaga
samningsumboð sitt
þannig að ekki þurfti
að berjast á mörgum
vígstöðvum samtím-
is. Guðrún Óladóttir,
formaður opinbera
sviðs Starfsgreina-
sambandsins, stýrði
samningaviðræðum
fyrir hönd verka-
lýðsfélaganna og
fulltrúar Einingar-
Iðju voru þau Björn
Snæbjörnsson og
Sigríður K. Bjarkadóttir, formaður opin-
beru deildarinnar. Á bakvið stóð 18 manna
samninganefnd sem unnið hafði mikið starf
og að auki allir þeir sem komið höfðu að
undirbúningi kjarasamninga félagsins á
fyrri stigum.
Með þessum samningum eru engir stórir
samningar lausir hjá Einingu-Iðju en alltaf
er þó eitthvað um fyrirtækjasamninga sem
ganga þarf frá.
Breytt fyrirkomulag námskeiða
Eitt atriði samninganna hefur vakið upp
nokkrar spurningar en það snýr að breyttu
fyrirkomulagi á menntunarmálum. Í stað
þess að fólk sæki hin hefðbundnu kjarna-,
valgreina- og sérhæfninámskeið á vegum
stéttarfélaganna er það nú hverrar stofnunar
eða vinnustaðar að setja upp áætlun um sí-
menntun sem starfsfólk verður að fylgja
vilji það halda áunnum réttindum sínum og
hækka í launum. M.ö.o. verður fólk að
sækja þau námskeið sem í boði eru ef það
ætlar ekki að lækka í launum.
10 EINING-IÐJA FÉLAGSBLAÐ
Tímamótasamningur við
sveitarfélögin Ólíkt hafast þau að
Í verkfalli sjómanna áttu fiskvinnslufyr-
irtæki val um að senda fólk heim á atvinnu-
leysisbætur eða halda þeim á launaskrá.
Síðari kosturinn var að sjálfsögðu mun
hagkvæmari fyrir launafólk en heldur
kostnaðarsamari fyrir fyrirtækin. Þeim
fyrirtækjum sem völdu þá leið er þakkað
sérstaklega fyrir þessa stórmannlegu af-
stöðu.
Posi tekinn í notkun
Á skrifstofu Einingar-Iðju á Akureyri
hefur verið tekinn í notkun svokallaður
posi fyrir greiðslukort. Nú er því hægt að
greiða fyrir orlofshús, ferðir og annað með
korti. Var þetta orðið tímabært skref enda
fólk orðið vant því að geta notað kortin
nánast hvar sem er.
Miðar í Hvalfjarðargöng
Þeir sem hyggja á fer suður yfir heiðar
og hugsa sér að aka um Hvalfjarðargöng
ættu fyrst að koma við á skrifstofu Eining-
ar-Iðju á Akureyri. Félagið keypti nefni-
lega nokkurt magn afsláttarmiða í göngin
og endurselur síðan til félagsmanna á
kostnaðarverði. Þannig getur fólk nú keypt
miða á 700 krónur fyrir hverja ferð sem
annars kostar 1.000 krónur. Hægt er að fá
miða í eina staka ferð eða fleiri, allt eftir
óskum.
Sambýli við Félag bygginga-
manna
Í maí sl. flutti Félag byggingamanna í
Eyjafirði skrifstofuaðstöðu sína niður á 2.
hæð í Alþýðuhúsinu og hóf þar sambýli við
Einingu-Iðju. Með þessu er stigið stórt
skref í að nýta betur húsnæðið og vonandi
auka til muna samstarf félaganna.
Mörg mál framundan
Þótt nú séu engir stórir kjarasamningar
lausir er ljóst að félagsins bíða mikil verk-
efni á því starfsári sem nú er nýhafið. Brýnt
er að sinna öðrum málum sem tengjast
vinnustöðunum en það starf er aftur minna
þegar stórir samningar eru í gangi. Þá má
ekki gleyma því að samningar eru lausir
um áramótin 2003/2004 og tíminn þangað
til verður örugglega ekki lengi að líða.
Námskeið fyrir trúnaðarmenn
Á síðasta starfsári var haldið eitt nám-
skeið fyrir trúnaðarmenn félagsins og með
haustinu verður byrjað af krafti með annað
námskeið. Mjög brýnt er orðið að hefja
þessa fræðslu því eins og staðan er í dag
hafa margir af trúnaðarmönnum félagsins
ekki farið á námskeið, m.a. vegna þess að
talsverð endurnýjun hefur orðið í þeirra
hópi á síðustu mánuðum.
Góðan árangur í samningunum má m.a. þakka þeirri breiðu samstöðu sem
náðist meðal verkalýðsfélaga, að mati Björns Snæbjörnssonar.
Stubbar