Afmælismót Skáksambands Íslands - 01.02.1985, Page 43

Oft var margt um manninn við Laugardalshöll meðan á einvíginu stóð.
ur átti drýgstan þátt í skipulagningu
framkvæmdarinnr allt niður í hin
ýmsu smáatriði.
Fleiri greinar
Eins og ég drap á í upphafi finnst
mér að leita þurfi til fjölmargra að-
ila, taka við þá viðtöl eða biðja þá að
skrifa greinar um ýmislegt, sem enn
er ekki að fullu glatað í gleymskunn-
ar dá.
Þó nokkur atriði væri gaman að
fjalla um nánar. Ég nefni aðeins
nokkur.
• Dr. Euwe, forseti FIDE, aflýsti
einvíginu á undirbúningsstigi
meðan deilur stóðu sem hæst.
Með skeyti til Skáksambands
Bandaríkjanna og Skáksambands
íslands dæmdi hann réttinn af
áskorandanum til að tefla um titil-
inn vegna krafna hans. Skeytið er
til í vörslu S.í.
Þetta var eitt af þeim fáu atrið-
um, sem tókst að halda leyndum.
Hefði skeytið verið birt á sínum
tíma hefðu áhrif þess verið ófyrir-
sjáanleg.
• Hvað réð í raun úrslitum um að
einvígið fór fram? Hvað bjargaði
einvíginu? Sjálfsagt vinna þar
mörg atriði saman, en ég hef skrif-
að grein þar sem ég leiddi rök að
því að einvígið hefði bjargast fyrir
misskilning.
Dálítið kaldranalegt ef rétt er
eftir alla þá skipulagsvinnu sem
fram fór.
• Hvað réð í raun afstöðu Rússanna
þegar þeir ákváðu að taka þátt í
einvíginu eftir allt sem á undan
gekk og þeir höfðu kallað Spassky
heim?
• Leyndardómur stólsins var aldrei
brotinn til mergjar. Röntgen-
myndir sýndu dálítinn hlut í öðr-
um stólnum, eitthvað sem drakk í
sig röntgengeisla svipað og málm-
ur. Þegar stóllinn var tekinn í
sundur sást ekkert. Okkur tókst á
blaðamannafundi að eyða málinu,
en röntgenfilmurnar eru í eigu S.í.
og enginn gat ieyst leyndardóm
þeirra.
• Sæmundur Pálsson kynntist
Fischer mjög vel sem einstaklingi
og var vinur hans. Fróðlegt væri ef
Sæmundur segði frá þeim kynn-
um.
• Af hverju sendu Rússarnir eist-
Ienska skákmeistarann Nei heim?
Hver voru tildrög og málsatvík?
• Hvaða þýðingu skyldi einvígið
hafa haft fyrir kynningu á íslandi
í heiminum?
• Fjölmargir einstakir atburðir sem
tengjast einvíginu og framkvæmd
þess lifa enn í hugum manna og
þyrfti að varðveita.
• Að lokum, hver skyldu áhrif ein-
vígisins hafa orðið á íslenskt skák-
líf?
Síðan einvígið fór fram hefur mik-
ill vöxtur verið í skáklífi íslendinga.
Þróttmiklar skáksambandssjórnir
hafa haldið uppi öflugri félagsstarf-
semi og þátttöku íslenskra skák-
manna, bæði á innlendri og erlendri
grund.
íslenskir skákmenn hafa verið í
mikilli framför og breiddin vaxið.
Frammistaða íslendinga hefur
hvarvetna verið góð og vakið verð-
skuldaða athygli. Vafalítið á sá áhugi
sem kviknaði í kjölfar einvígisins
sinn þátt í því, þó vissulega komi
margt fleira til.
43